| 1. |
Die Wes-Kaapse Regering het alkoholskadevermindering 'n prioriteitskwessie en een van sy spelwysigers in die provinsie gemaak. |
| 2. |
Drankprobleme en die gepaardgaande negatiewe nagevolge bly 'n ernstige gesondheids-, maatskaplike en ekonomiese uitdaging vir die provinsie; boonop lok maipulerende advertensies ons jeug na destruktiewe lewenstyle, riskante gedrag en 'n verwronge identiteitsin. |
| 3. |
Die doel van die Western Cape alcohol-related harms reduction policy: White Paper, gepubliseer in Augustus 2017, is om aandag aan die nagevolge van alkoholverwante skade te skenk en sterker onderwys- en bewusmakingstussentrede van die Wes-Kaap Onderwysdepartement (WKOD) oor alkoholskadevermindering onder minderjarige persone te vra. |
| 4. |
Die WKOD onderneem om 'n bewusmakingsveldtog oor Alkoholmaatskaplikeskadevermindering deur die vak, Lewensoriëntering op graad 11-vlak te begin. Die doel van die veldtog is om manipulerende advertensieboodskappe teen te werk en die jeug sodoende in te lig oor die alkoholbedryf se strategie om hulle uit te lok om hul produkte te gebruik. |
| 5. |
Die fokus van die veldtog is die versterking van die WKOD se pogings om in onderwys 'n positiewe selfbewussyn te verseker, om 'n impak op die lewens van leerdergemeenskappe te maak, akademies sowel as maatskaplik, en terselfdertyd vir die jeug die geleentheid te bied om verantwoording van ’n positiewe toekoms te aanvaar. |
| 6. |
Met die nastreef van hierdie doelwit, word die graad 11 Lewensoriënteringonderwysers uitgenooi om die graad 11 leerders te betrek by aktiwiteite rakende bewusmaking van alkoholskade, en die misleiding wat deur die alkoholbedryf in ’n gewilde advertensie op sosialemediaplatforms en elders geskep is, uit te lig/bloot te lê. Voorbeelde van voorgestelde aktiwiteite kan in Bylaag A gevind word. |
| 7. |
Ons moedig Distrikte aan om skole te betrek by die vestiging van n distrikfokusgroep wat uit ses graad 11 leerders sal bestaan. Hierdie fokusgroep sal uitgenooi word om hul aanbiedings en die uitstallings by die Lewensoriënteringsjeugvieringsoggend op Saterdag, 02 Junie 2018 uit te voer of uit te stal. Hierdie bewusmakingsveldtog sal ter voorbereiding van Jeugmaand (Junie 2018) wees, waartydens die WKOD se doel is om die momentum te skep vir die wek van kritiese bewusmaking vir positiewe onderwysuitkomste in die provinsie. |
| 8. |
Die voorstelle vir uitstallings of optredes rakende bewusmaking word in Bylaag A aangegee. |
| 9. |
Die proses van bewusmaking en vereistes vir die aanbiedings en die uitstallings van die fokusgroep word in die aangehegte dokument, Bylaag B, in hooftrekke beskryf. |
| 10. |
Prinsipale word vriendelik versoek om die inhoud van hierdie minuut onder die aandag van al die betrokke onderwysers te bring. |
GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:05:04
|
 |