| 1. |
Die Departement van Basiese Onderwys (DBO) het Omsendbrief E8 van 2018 (aangeheg as Bylae A) uitgereik, wat aansluiting vind by die implementering van die voorgeskrewe literatuur (2018 tot 2021) vir die graad 12 Nasionale Senior Sertifikaat (NSS) -eksamen vir Latyn Tweede Addisionele Taal (TAT). |
| 2. |
Die Onafhanklike Eksamenraad (IEB) is vir die bestuur van die assessering van Latyn TAT namens die DBO verantwoordelik. |
| 3. |
Die IEB het ’n lys met voorgeskrewe literatuur vir Latyn TAT vir alle graad 12-onderwysers van die vak gestuur. Hierdie lys is ook aan die einde van 2017 op die IEB se webwerf geplaas. |
| 4. |
Verwys asseblief na Bylae A vir ’n lys met voorgeskrewe literatuur vir Latyn TAT vir 2018 tot 2021. |
| 5. |
Prinsipale word versoek om die inhoud van hierdie minuut onder die aandag van alle graad 12-taalonderwysers en -leerders te bring om te verseker dat die korrekte literatuur bestudeer word. |
GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:04:24
|
 |