| 1. |
Die voorgeskrewe letterkundevereistes vir Suid-Afrikaanse Gebaretaal (SAGT), soos uiteengesit in die Kurrikulum- en Assesseringsbeleidsverklaring vir graad 10 tot 12, is soos volg:
| Tekste |
Getal tekste |
Lengte van tekste (minute) |
| Digkuns |
Minimum 10 |
2–3 |
| Dramas |
Minimum 1 |
5–10 |
| Kortverhale |
Minimum 7 |
3–8 |
| Langer verhale |
Minimum 1 |
8–15 |
| Niefiksie |
Minimum 2 |
5–8 |
|
| 2. |
Weens die beperkte beskikbaarheid van SAGT-hulpbronne, kon die minimum vereistes in die Verdere Onderwys en Opleiding (VOO)-fase nie bereik word nie. Geen geskikte tekste vir langer verhale en dramas is gekies nie. In die tussentyd, moet die aangehegte lys van geselekteerde tekste (Bylae A), tot verdere kennisgewing gebruik word. |
| 3. |
Die tekste sal gebruik word om voorbeeldvraestelle vir die onderskeie grade, sowel as die finale eksamenvraestelle vir die Nasionale Senior Sertifikaat- (NSS)-eksamen vir 2018, op te stel. Sodra nuwe materiaal beskikbaar is, sal ekstra materiaal tot die lys gevoeg word om sodoende aan die bogenoemde vereistes te voldoen. 'n Finale katalogus sal dan uitgereik word. |
| 4. |
Tydens die SAGT KABV-opleiding in Maart 2017, het skole vir gehoorgestremdes 'n voorafopgeneemde DVD ontvang. Die res van die tekste wat op die lys aangedui word, moet by die betrokke organisasies aangevra word. |
| 5. |
Die stelsel is gereed om die NSS vir SAGT vir 2018 te administreer, en voorbereidings sluit die opstel van voorbeeldvraestelle vir graad 10, 11 en 12 in. |
| 6. |
U word vriendelik versoek om die inhoud van hierdie minuut onder die aandag van alle provinsiale en distriksamptenare, prinsipale en onderwysers van beide openbare en onafhanklike skole vir gehoorgestremdes te bring. |
GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:02:26
|
 |