1. Die Wes-Kaap Onderwysdepartement (WKOD) bied lesuitsendings aan wat vanaf Februarie tot November 2018 via 'n interaktiewe telematikaplatform (lesse gestraal via satelliettegnologie) uitgesaai word.

2. Die afgelope paar jaar was hierdie lesse hoofsaaklik op graad 12-leerders toegespits en vervolgens is 'n waardevolle en uitgebreide databasis, wat veral graad 12-inhoud dek, vir party vakke saamgestel.

3. Kandidate wat die Nasionale Senior Sertifikaat (NSS) Aanvullende Eksamen skryf, kan toegang tot hierdie graad 12-inhoud verkry deur ondersteuningslesse op DVD teen 'n nominale prys by die WKOD te koop deur Edumedia by 021 689 9536 te skakel.

4. 2018 sal op graad 10, 11 en 12 fokus (kyk paragraaf 7 hieronder).

5. Benewens die uitsendings vir leerders, sal professionele ontwikkelingsessies vir onderwysers wat Engels, Geskiedenis, Besigheidstudie en Wiskunde onderrig, aangebied word.

6. Aangesien die rooster 'n hele paar vakke en verskillende grade insluit, is dit belangrik dat onderwysers en leerders die rooster nougeset volg.

7. Die volgende vakke sal aangebied word:

  • Engels EAT (Graad 11 en 12)
  • Engels HT (Graad 11 en 12)
  • Fisiese Wetenskap (Graad 11 en 12)
  • Rekeningkunde (Graad 11 en 12)
  • Aardrykskunde (Graad 12)
  • Afrikaans HT (Graad 12)
  • Geskiedenis (Graad 10 en 12)
  • Lewenswetenskap (Graad 10 en 11)
  • Besigheidstudies (Graad 11 en 12)
  • Wiskunde (Graad 11 en 12)
8. Die aangehegte Bylae A verskaf die lesrooster en onderwerpe.

9. Die onderwerpe van die lesse sal in die leerderboekies gedruk en aan elke leerder in elke vak verskaf word.

10. Die aanbieders is leieronderwysers wat om hul kundigheid in hul vakke gekies is.

11. Aangesien lesse deur die week na skoolure aangebied word, is dit belangrik dat prinsipale reelings met hul beheerliggame en die ouers van die leerders bespreek.

12. Leerderbywoning sal gereeld deur Hoofkantoor- en distriksamptenare gemonitor word.

13. Daar sal van prinsipale verwag word om weekliks oor leerderbywoning, asook suksesse of probleme met die program, verslag te doen.

14. 'n Koppeluitsending van die telematika-uitsending word ook via direkte stroomuitsending gestraal. Dit is moontlik vanwee die breebandinternetdiens in WKOD-skole. Skole wat nie satelliettegnologie het nie, maar toegang tot die breebandinternetdiens het, word aangemoedig om voordeel uit hierdie uitstekende, gratis onderrigprogram te trek. Toegang tot hierdie uitsendings en gepaardgaande materiaal kan via https://wcedonline.westerncape.gov.za/documents/telematics/telematics.html verkry word. Skole wat toegang tot die direkte stroomuitsendinglesse wil he, moet registreer deur die Google-vorm by https://goo.gl/forms/027fKIZJRltwlUoq1 voor 31 Januarie 2018 in te vul.

15. Indien u enige navrae oor hierdie inisiatief het, kontak Rodney Johnson telefonies by 021 467 2173 of per e-pos by rodney.johnson@westerncape.gov.za.

16. Prinsipale word versoek om die inhoud van hierdie minuut onder die aandag van die betrokke personeel, graad 10-, 11- en 12-leerders en hul ouers of voogde te bring.


GETEKEN: H. MAHOMED
WNDE. ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:01:26

Bylae A: "Telematics schedule for 2018"  (grootte: 75 KB)