| 1. |
Die Wes-Kaap Onderwysdepartement het die boekie, Wenke vir Sukses, vir elke 2018 kandidaat vir die Nasionale Senior Sertifikaat in die Wes-Kaap voorberei om hulle met hul eksamenvoorbereidings te help. Die boekie verskaf studiewenke, eksamenwenke, beursinligting, wenke vir sukses en ander nuttige inligting. |
| 2. |
Elke graad 12-leerder behoort in die eerste kwartaal van 2018 'n boekie te kry. |
| 3. |
Benewens die boekies vir die kandidate, sal addisionele boekies vir elke graad 12-onderwyser per skool ingesluit word. Die boekies sal teen 31 Januarie 2018 deur distriksamptenare by hoerskole afgelewer word. |
| 4. |
Kontak asseblief u distrikskantoor indien die verkeerde getal boekies by die skool afgelewer is. Oortollige boekies moet aan die distrikskantoor terugbesorg word. |
| 5. |
Daar word sterk aanbeveel dat onderwysers die inhoud van die boekie met hul graad 12-klasse bespreek en hulle aanmoedig om dit te lees ten einde te verseker dat hierdie boekies die verlangde uitwerking sal he deurdat dit kandidate met eksamenvoorbereidings sal help. |
| 6. |
Vorige NSS-eksamenvraestelle en nasienmemoranda is beskikbaar by https://wcedonline.westerncape.gov.za/documents/Matric/matric-n/index.html.
|
| 7. |
Bring asseblief die inhoud van hierdie minuut onder die aandag van alle personeellede. |
GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:01:19
|
 |