| 1. |
Die Departement van Basiese Onderwys (DBO) het Omsendbrief S14 van 2017 (aangeheg as Bylae A) uitgereik ten opsigte van die voorgeskrewe letterkundetekste vir studiewerk vir alle amptelike tale op huistaal-, eerste addisionele taal- en tweede addisionele taalvlakke wat tydens die eksamen in Oktober/November 2018 en Mei/Junie 2019 geskryf sal word. |
| 2. |
Die Departement van Basiese Onderwys (DBO) het in 2017 nuwe voorgeskrewe letterkunde versprei, ooreenkomstig die katalogus vir letterkunde wat in 2015 uitgereik is. Weens die afwesigheid van materiaal vir alle genres en alle tale, het die DBO, deur Omsendbrief E39 van 2016, die implementeringsproses uiteengesit wat gevolg moet word om 'n finale katalogus in 2017 te voltooi. |
| 3. |
Die voorneme was om die siftingsproses van nuwe letterkundemateriaal te voltooi en 'n afgeronde stel nuwe voorgeskrewe letterkunde vanaf 2018 in alle amptelike tale te implementeer. Ondanks die verskeie siftingsprosesse wat uitgevoer is, kom 'n paar leemtes egter steeds na vore. |
| 4. |
Op grond van die bogenoemde, bevestig die DBO dus dat die status quo, soos uiteengesit in Omsendbrief E39 van 2016 (aangeheg as Bylae B), steeds gehandhaaf word. |
| 5. |
Die DBO sal nie nuwe voorgeskrewe letterkundetekste gedurende 2018 vir die Nasionale Senior Sertifkaat-eksamen (NSS-eksamen) in Oktober/November 2018 en Mei/Junie 2019 voorskryf nie. Die voorneme is dat 'n finale katalogus in 2018 uitgereik, en in 2019 geimplementeer sal word. |
| 6. |
Dié reëling sal op alle leerders van toepassing wees wat die NSS-eksamen in Oktober/November 2018 skryf, sowel as diegene wat die Senior Sertifikaat-eksamen in Mei/Junie 2019 skryf. |
| 7. |
Skole moet voortgaan om die voorgeskewe letterkundetekste, soos uiteengesit in Omsendbrief E39 van 2016, te gebruik. |
| 8. |
Bring asseblief die inhoud van hierdie minuut onder die aandag van alle betrokkenes. |
GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:01:19
|
 |