| 1. |
Die Departement van Basiese Onderwys (DBO) het Omsendbrief E32 van 2017 (aangeheg as Bylae A) uitgereik ten opsigte van die voorgeskrewe letterkunde tekste vir studiewerk vir alle amptelike tale op huistaal-, eerste addisionele taal- en tweede addisionele taalvlakke wat tydens die Senior Sertifikaat (SS)-eksamen in Mei/Junie 2018 geskryf sal word. |
| 2. |
Omsendbrief E32 van 2017 volg op Omsendbrief E35 van 2017, wat bepaal dat die SSletterkundevraestelle vir alle tale in Mei/Junie 2018, op die nuwe voorgeskrewe letterkunde tekste gebaseer sal wees. |
| 3. |
Die DBO het egter vasgestel dat nie alle kandidate wat die SS-eksamen in Mei/Junie 2018 sal skryf, gereed sal wees om letterkundevraestelle wat op die nuwe voorgeskrewe letterkunde gebaseer is, te skryf nie. |
| 4. |
Op grond van die bogenoemde, het die DBO besluit om die Mei/Junie 2018 SSeksamen se letterkundevraestelle vir huistaal-, eerste addisionele taal- en tweede addisionele taalvlakke, op beide die ou voorgeskrewe letterkunde, soos vervat in Omsendbrief E27 van 2014, en die nuwe voorgeskrewe letterkunde, soos vervat in Omsendbrief E35 van 2017, op te stel. |
| 5. |
Die letterkundevraestelle vir alle amptelike tale wat beide die ou en nuwe voorgeskrewe letterkunde op huistaal-, eerste addisionele taal- en tweede addisionele taalvlakke dek, sal kandidate toelaat om vrae oor die voorgeskrewe letterkunde tekste wat in beide omsendbriewe in paragraaf 4 gelys is, aan te durf. |
| 6. |
Dié toegewing sal slegs op die SS-eksamen in Mei/Junie 2018 van toepassing wees. |
| 7. |
Vir maklike verwysing, is Omsendbrief E27 van 2014 en Omsendbrief E35 van 2017, wat die ou en nuwe voorgeskrewe lyste bevat, onderskeidelik hierby as Bylae B en C aangeheg. |
| 8. |
Bring asseblief die inhoud van hierdie minuut onder die aandag van alle betrokkenes. |
GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:01:19
|
 |