1. |
Die Departement van Basiese Onderwys (DBO) het Omsendbrief E34 van 2018 (aangeheg as Bylae A) uitgereik oor die voorgeskrewe letterkundetekste vir studiewerk vir alle amptelike tale op huistaal-, eerste addisionele taal- en tweede addisionele taalvlakke vir die Nasionale Senior Sertifikaat (NSS)-eksamen wat in November 2019 en Junie 2020 geskryf sal word. |
2. |
Die graad 12-letterkundevraestelle vir alle amptelike tale vir die November 2019 en Junie 2020 NSS-eksamen sal slegs gebaseer word op die letterkunde wat vir die November 2018- en Junie 2019-eksamen voorgeskryf is. |
3. |
Om dié rede moet daar kennis geneem word dat die lys van voorgeskrewe letterkunde vir die November 2019- en Junie 2020-eksamen dieselfde is, soos uiteengesit in DBO Omsendbrief E39 van 2016 (aangeheg as Bylae B) en DBO Omsendbrief E19 van 2018 (aangeheg as Bylae C). |
4. |
Bring asseblief die inhoud van hierdie minuut onder die aandag van alle instansies en kandidate wat die November 2019 en Junie 2020-eksamen skryf. |
GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:12:18
|
|