1. Die Wes-Kaap Onderwysdepartement het 'n Wenke vir Sukses-boekie vir elk van die Wes-Kaap se 2019 Nasionale Senior Sertifikaat (NSS)-kandidate saamgestel om hulle met hul eksamenvoorbereiding te help. Die boekie bevat studiewenke, eksamenwenke, beursinligting, wenke vir sukses en ander nuttige inligtingstukke.
2. Die boekie moet gedurende die eerste kwartaal van 2019 aan elke graad 12- kandidaat oorhandig word.
3. Buiten boekies vir die kandidate, sal addisionele boekies per skool vir elke graad 12-onderwyser ingesluit word. Distriksamptenare sal die boekies teen 31 Januarie 2019 by alle hoerskole aflewer.
4. Kontak asseblief u distrikskantoor indien die getal boekies wat by die skool afgelewer word, nie korrek is nie. Oortollige boekies moet aan die distrikskantoor terugbesorg word.
5. Ten einde die doeltreffendheid van hierdie boekies te verseker om kandidate met hul eksamenvoorbereiding te help, word dit sterk aanbeveel dat onderwysers die inhoud van die boekie met hul graad 12-klasse bespreek en kandidate aanmoedig om dit te lees.
6. Vorige NSS-eksamenvraestelle en nasienmemoranda kan verkry word by https://wcedonline.westerncape.gov.za/documents/Matric/matric-n/index.html.
7. Prinsipale word vriendelik versoek om die inhoud van hierdie minuut onder die aandag van alle personeellede te bring.


GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:12:18