| 1. |
Die Nasionale Erfenisraad van Suid-Afrika het besluit om, as sy verantwoordelikheid, by te dra tot die opvoeding van die nasie oor ons erfenis. Die Skole-uitreikprogram vir Erfenisopvoeding (HESOP) is een van die projekte wat poog om jong leerders in skole te betrek. |
| 2. |
Die program vorm deel van die Departement van Basiese Onderwys (DBO) se voortgesette inisiatief om alle leerders aan te moedig om beter begrip vir Suid-Afrika se kultuurerfenis en diversiteit te ontwikkel. Dit bied ook aan leerders die geleentheid om belangrike navorsingsvaardighede te ontwikkel. |
| 3. |
Die erfeniskompetisie sal deel vorm van die DBO se bydrae om die onderrig en leer van Geskiedenis en Toerisme in skole te versterk. |
| 4. |
Die kompetisie is oop vir alle graad 8 tot 11-leerders. Spanne moet uit vier leerders bestaan en skole word aangeraai om geslagsensitief te wees. Alle geskrewe werk en aanbiedings moet in Engels wees. |
| 5. |
Hierdie kompetisie bestaan uit twee vlakke: |
| 5.1 |
'n Provinsiale vlak en 'n nasionale vlak. Skole wat wil deelneem, moet die aangehegde registrasievorm (Bylae A) voltooi en dit teen Woensdag, 01 Augustus 2018, saam met 'n portefeulje van bewyse, aan die vakadviseur vir Geskiedenis of Toerisme in die distrik stuur.
Die provinsiale kompetisie sal op Saterdag, 01 September 2018 plaasvind. Een skoolspan sal gekies word om die Wes-Kaap by die nasionale kompetisie te verteenwoordig. Die vakadviseurs vir Geskiedenis en Toerimse sal die lokaal met alle deelnemende skole bevestig. Die Wes-Kaap Onderwysdepartement (WKOD) sal vir alle reisonkoste na en van die provinsiale kompetisie verantwoordelik wees. |
| 5.2 |
Die nasionale kompetisie sal vanaf 01 tot 05 Oktober 2018 plaasvind. |
| 6. |
Die tema vir 2018 is Nelson Mandela-eeufeesvieringe. |
| 7. |
Die struktuur van die kompetisie |
| 7.1 |
Daar word van leerders verwag om drie onderwerpe na te vors (Bylae B). Die navorsing moet met onderhoude (vraelyste, onderhoudskedules, onderhoudtranskripsies en opnames, etiese oorwegings) en prente ondersteun word. |
| 7.2 |
'n Navorsingsverslag, insluitend illustrasies en 'n bibliografie van 10.12 bladsye lank, word vereis. Die verslag moet in 12-lettergrootte en Arial-lettertipe met 1.5 lynspasiering wees. Die navorsingsverslag moet (a) 'n opsomming, (b) sentrale argument(e) of die kerngedeelte, (c) aanbevelings, (d) 'n gevolgtrekking en (e) 'n bibliografie of bronnelys insluit. |
| 7.3 |
Spanne sal 'n mondelinge PowerPoint aanbieding van 20 minute doen, met 'n addisionele vyf minute vir vrae van die paneel beoordeelaars. |
| 7.4 |
Die portefeulje van bewyse moet voorgelê word en moet die items wat in paragrawe 7.1, 7.2 en 7.3 gelys is, insluit. Die portefeulje van bewyse moet (a) 'n indeks, (b) 'n inhoudopgawe en (c) 'n bibliografie bevat. |
| 8. |
Beoordeling
Bylae C bevat die assesseringskriteria wat gebruik sal word om aanbiedings op beide provinsiale en nasionale vlakke te beoordeel. |
| 10. |
Prinsipale word vriendelik versoek om die inhoud van hierdie minuut onder die aandag van die skoolbestuurspan en die betrokke onderwysers te bring. |
GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:07:04
|
 |