1. Die Wes-Kaap Onderwysdepartement (WKOD) het 'n Eksamentegniekboekie voorberei om graad 12-leerders met die skryf van eksamens te ondersteun. Die boekie bied die volgende leiding per vak:

  • Algemene wenke vir die beantwoording van eksamenvrae
  • Leiding oor hoe die eksamen benader moet word
  • Verduideliking van instruksiewerkwoorde wat algemeen gebruik word
2. Die boekie sluit ook 'n bylae in waarin instruksiewerkwoorde wat algemeen gebruik word, vertaal is en in Xhosa verduidelik word.

3. 'n Elektroniese weergawe van die boekie kan van die WKOD se ePortal afgelaai word.

Engelse Boekie: http://wcedeportal.co.za/eresource/72441
Afrikaanse Boekie: http://wcedeportal.co.za/eresource/72446

4. Skole sal twee kopiee van die boekie ontvang. Prinsipale word aangemoedig om die inhoud van een boekie onder die onderskeie vakhoofde te versprei en die ander boekie as 'n rugsteunhulpbron te hou.

5. Moet asseblief nie huiwer om dr GR Schreuder by telefoonnommer 021 467 2630 of via e-pos by Glynis.Schreuder@westerncape.gov.za te kontak indien u enige navrae het nie.

6. Prinsipale word versoek om die inhoud van hierdie minuut onder die aandag van alle vakhoofde en onderwysers te bring.


GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:05:30