1. Die Regulasies betreffende die Afneem, Administrasie en Bestuur van die Nasionale Senior Sertifikaat-eksamen, soos gepubliseer in Staatskoerant No. 37651 van 16 Mei 2014, maak voorsiening vir 'n finale bevorderingspunt vir Lewensorientering (LO) gebaseer op interne assessering wat ekstern gemodereer moet word, sowel as 'n Algemene Assesseringstaak (AAT) wat ekstern opgestel en gemodereer word.
2. Hierdie minuut stel skole dus in kennis van die prosedure wat tydens die administrasie van die AAT vir LO in 2018 gevolg moet word.
3. Die aflê van die AAT vir LO
3.1 Die AAT vir LO is deel van die finale bevorderingspunt in graad 12, en dus moet alle graad 12-leerders dit aflê.
3.2 Die datum vir die aflê van die AAT vir LO is 03 September 2018, vanaf 09:00 tot 11:00. Enige afwyking van hierdie datum en tyd sal as 'n ernstige onreelmatigheid beskou word.
3.3 Die AAT vir LO sal uit 'n twee uur lange vraestel van 80 punte bestaan. Dit sal taak 4 in kwartaal 3 vervang en sal 20% van die finale punte vir LO uitmaak.
3.4 Die Wes-Kaap Onderwysdepartement (WKOD) sal vraestelle en antwoordboeke vir die AAT vir LO vir alle graad 12-leerders in die provinsie druk volgens die finale registrasiedata wat op die Sentrale Onderwysbestuursinligtingstelsel (SOBIS) aangedui is, en dit aan alle skole wat die Nasionale Senior Sertifikaat (NSS) aanbied, versprei.
3.5 By ontvangs van die vraestelle in die Smartlock-seildoeksakke, moet prinsipale volle verantwoordelikheid as hoofopsieners aanvaar om te verseker dat alle voorwaardes en reels ten opsigte van die NSS-eksamen gevolg word.
3.6 Prinsipale moet die vraestelle op die dag van die eksamen in die teenwoordigheid van die leerders oopmaak en oor die verspreiding van die vraestelle toesig hou.
3.7 Prinsipale moet seker maak dat opsieners oplettend is terwyl die AAT vir LO afgelê word.
3.8 Na die aflê van die AAT vir LO, moet opsieners die getal antwoordboeke met die getal leerders ooreenbring.
3.9 Die antwoordboeke moet in die sak wat voorsien is, verseël word, in die seildoeksak toegesluit word en in die skool se brandkluis gebere word totdat die nasienproses begin.
3.10 Die voorleggingsprosedure van die name van afwesige leerders wat nie die eksamen afgelê het nie, sal mettertyd aan skole oorgedra word.
3.11 Dit is noodsaaklik dat skriftelike bewyse van geldige redes oor afwesigheid op leer by die skool gehou moet word, en dit moet op versoek van Hoofkantoor en die distrikskantoor beskikbaar gestel word.
3.12 "Geldige redes" vir afwesigheid in hierdie verband behels:

  1. siekte, soos gestaaf deur 'n geldige mediese sertifikaat wat deur 'n geregistreerde mediese praktisyn uitgereik is;
  2. humanitere redes, wat die afsterwe van 'n nabye familielid insluit, soos gestaaf deur 'n afskrif van die doodsertifikaat;
  3. die leerder wat in 'n hofverhoor moet verskyn, soos gestaaf deur geskrewe bewyse daarvan; of
  4. enige ander rede wat deur die hoof van die assesseringsliggaam of sy of haar verteenwoordiger as geldig aanvaar word.
4. Samesprekings oor nasienriglyne
4.1 Nasionale, provinsiale en distrikte se samesprekende vergaderings oor nasienriglyne sal in September 2018 plaasvind. Skole sal die finale nasienriglyne by hulle distrikte se samesprekende vergaderings oor nasienriglyne ontvang.
4.2 Antwoordboeke mag slegs uit die brandkluis verwyder word nadat die distrikte se samesprekende vergaderings oor nasienriglyne afgehandel is.

5. Nasien van die AAT vir LO
5.1 Die nasien van die AAT vir LO moet by die skool onder die toesig van die prinsipaal uitgevoer word, met 'n senior onderwyser of departementshoof wat as die interne moderator optree.
5.2 Die nasienproses moet teen 27 September 2018 afgehandel wees.
5.3 In gevalle waar meer as een onderwyser LO by 'n skool onderrig, moet prinsipale toesien dat die onderwysers nie die antwoordboeke van hul eie leerders nasien nie.

6. Moderering van leerderbewyse
6.1 Ten minste tien persent van die nagesiende antwoordboeke moet deur 'n senior onderwyser of departementshoof gemodereer word.
6.2 Die Vakadviseur vir LO moet 'n monster van antwoordboeke van gekose skole modereer.
6.3 Provinsiale moderering van die AAT vir LO sal vanaf 01 tot 03 Oktober 2018 uitgevoer word.

7. Vaslegging van punte vir die AAT vir LO
7.1 Twee aparte puntelyste sal aan skole uitgereik word om die AAT vir LO-punte op te teken.
7.2 Die een puntelys sal gebruik word om die AAT-punte (80 punte) vas te lê, en die ander een om die skoolgebaseerde assesseringspunte (SBA-punte) (320 punte) vas te lê.

8. Prinsipale word vriendelik versoek om die nodige reelings vir die afneem van hierdie assessering te tref.

9. Bring asseblief hierdie inligting onder die aandag van alle Lewensorientering-onderwysers en -leerders vir graad 12.


GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:08:02