| 1. |
Die gehaltebeheer, behoorlike bestuur en doeltreffende administrasie van eksamens is noodsaaklik op alle vlakke en alle inrigtings (openbare en onafhanklike) om die integriteit en kredietwaardigheid van eksamenuitslae te verseker. Dit sluit in onaangekondigde besoeke aan eksamensentrums deur monitors wat deur die Wes-Kaap Onderwysdepartement (WKOD) aangestel is, asook prinsipale/ sentrumbestuurders wat aanspreeklikheid vir alle eksamens wat by hulle skole afgeneem word, aanvaar. |
| 2. |
Die minimum norme en standaarde vir die monitering van eksamensentrums gedurende die Nasionale Senior Sertifikaat (NSS)-eksamen word in die Nasionale Beleid met betrekking tot die afneem, administrasie en bestuur van die Nasionale Senior Sertifikaat Eksamen uiteengesit. |
| 3. |
Die WKOD nooi hiermee voormalig indiensgeneemde opvoeders of amptenare met die toepaslike eksamen- en bestuursondervinding uit om aansoek te doen vir die pos as monitor om die 2018 NSS-eksamen te monitor. |
| 4. |
Potensiele aansoekers is voormalig indiensgeneemde kringbestuurders, hoofonderwyskundiges, adjunk-hoofonderwyskundiges, senior kurrikulumbeplanners, vakadviseurs, senior onderwyskundiges, prinsipale, adjunk-prinsipale, departementshoofde, eksamenbeamptes of hoof- of senior toesighouers by 'n skool. Aansoekers moet hulle eie vervoer vir monitering gebruik. |
| 5. |
Monitors sal vanaf 15 Oktober 2018 tot 28 November 2018 aangestel word, en sal moniteringsopleiding voor die aanvang van die eksamen ontvang. |
| 6. |
Vergoeding van die monitors word op die Personeeladministrasiemaatreëls (PAM) se skaal gebaseer. |
| 7. |
Aansoeke moet op of voor 31 Julie 2018 aan Me. Moya Combrink voorgelê word:
Handafgelewer aan:
Die Hoof: Onderwys
Vir aandag: Me. Moya Combrink
Direktoraat: Assesseringsbestuur
Wes-Kaapse Onderwysdepartement
5de Vloer, Grand Central Towers
Laer Parlementstraat
Kaapstad 8001
of
(verkieslik) geskandeer en per e-pos gestuur aan:
Moya.Combrink@westerncape.gov.za |
| 8. |
Prinsipale, distriksdirekteure, kringbestuurders en vakadviseurs word vriendelik versoek om die inhoud van hierdie minuut onder die aandag van alle potensiële aansoekers te bring. Die Direktoraat: Assesseringsbestuur kan nie verantwoordelik gehou word indien potensiële aansoekers nie oor die inhoud in kennis gestel word nie. |
| 9. |
Die WKOD maak staat op u samewerking en ondersteuning in hierdie belangrike saak. |
GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:06:18
|
 |