1. Eksamenriglyne en voorbeeldvraestelle is opgestel om onderwysers en leerders met hul voorbereiding vir die 2018 NSS-eksamen in die volgende vakke te help:

  • Tegniese Wetenskappe
  • Tegniese Wiskunde
  • Meganiese Tegnologie
  • Siviele Tegnologie
  • Elektriese Tegnologie
  • Inligtingstegnologie
2. Die eksamenriglyne en voorbeeldvraestelle vir al die bogenoemde vakke, Elektriese Tegnologie uitgesluit, is op die Departement van Basiese Onderwys (DBO) se webwerf beskikbaar by https://bit.ly/2vDlOuh en https://bit.ly/2HpLdcx, onderskeidelik.

3. Die eksamenriglyne en voorbeeldvraestelle het implikasies vir onderrig en leer, aangesien dit meer duidelikheid bied oor areas wat in sommige van die dokumente van die Kurrikulum- en Assesseringsbeleidsverklaring (KABV) as onduidelik beskou word.

4. Die eksamenriglyne vervang nie die KABV-dokumente nie, aangesien dit bloot inligting bied oor die finale NSS-eksamen en waar nodig, die omvang en diepte van die inhoud wat geassesseer moet word, verduidelik.

5. Elke riglyn moet altyd saam met die KABV van elke vak gebruik word.

6. Prinsipale en distriksamptenare word vriendelik versoek om die inhoud van hierdie minuut onder die aandag van alle personeel, ouers en leerders te bring.


GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:05:07