1. Onderwysers, vakadviseurs en senior kurrikulumbeplanners wat aan die kriteria (soos uiteengesit in Bylae A) voldoen, word hiermee uitgenooi om vir die pos as interne moderators, hoofnasieners, adjunkhoofnasieners, senior nasieners en nasieners aansoek te doen vir die Nasionale Senior Sertifikaat- (NSS)-eksamen vanaf November 2018 tot November 2020 en die Senior Sertifikaat- (SS)-eksamen vanaf Junie 2019 tot Junie 2021.

2. Alle aansoekers moet aansoek doen deur die nuwe aanlyn aansoekstelsel by https://wcedonline.westerncape.gov.za/branchCS/Vacancy-Lists/index_vacancy.html te gebruik en die stappe wat in Bylae B gespesifiseer word, te volg.

3. Die volgende dokumente moet saam met die aansoek opgelaai word:

  • Gewaarmerkte afskrif van identiteitsdokument/immigrantdokumentasie
  • Gewaarmerkte afskrif/afskrifte van akademiese studierekord/-rekords
  • Gewaarmerkte afskrif/afskrifte van kwalifikasiesertifikaat/-sertifikate
  • Bewys van registrasie by die Suid-Afrikaanse Raad vir Onderwysers (SARO)
  • Verklaringsvorm wat deur die aansoeker en prinsipaal/distriksdirekteur onderteken is
4. Vakke met bevoegdheidstoetse
4.1 Die Wes-Kaap Onderwysdepartement (WKOD) sal gedurende 2018 bevoegdheidstoetse in die volgende vakke uitvoer:

  • Rekeningkunde
  • Besigheidstudies
  • Verbruikerstudies
  • Ekonomie
  • Engels Huistaal
  • Geografie
  • Geskiedenis
  • Lewenswetenskappe
  • Wiskunde
  • Wiskundige Geletterdheid
  • Fisiese Wetenskappe
4.2 Slegs aansoekers wat 60% en meer in die bevoegdheidstoetse behaal, sal vir aanstelling as nasienbeamptes oorweeg word.
4.3 Aansoekers wat 'n bevoegdheidstoets in die bogenoemde vakke geneem het tussen 2011 en 2017 en 'n slaagsyfer van 60% en meer behaal het, hoef nie die bevoegdheidstoets van hierdie vakke in 2018 te herhaal nie. Onderwysers word egter aangemoedig om die bevoegdheidstoetse af te neem indien hulle hul uitslae wil verbeter.
4.4 Alles moontlik sal gedoen word om aansoekers by 'n lokaal binne die onderwysdistrik waar hulle werk te akkommodeer. Die lokale en datums van die bevoegdheidstoetse sal binnekort aan elke individuele aansoeker gekommunikeer word.
4.5 Die bevoegdheidstoetse sal op die kurrikulum vir die NSS-vak of -vraestel gebaseer wees, sowel as die nasienvaardighede wat op daardie vak of vraestel van toepassing is. Met Ekonomie en Geografie, sal aansoekers oor die kurrikuluminhoud van beide Vraestel 1 en Vraestel 2 gesamentlik getoets word. Met Engels Huistaal, sal aansoekers oor die kurrikuluminhoud van Vraestel 1, Vraestel 2 en Vraestel 3 gesamentlik getoets word.

5. Aansoekdatums en indiening van verklaringsvorms

Pos waarvoor aansoek gedoen word Aansoeke open Aansoeke sluit
Interne moderator
Hoofnasiener
Adjunkhoofnasiener		 06 April 2018 18 April 2018
Senior nasiener
Nasiener		 10 April 2018 26 April 2018

6. Alle aansoekers moet die verklaringsvorm voltooi (aangeheg by hierdie minuut as Bylae C). Verseker asseblief dat dit deur die prinsipaal/distriksdirekteur onderteken en gestempel word en dan saam met die aanlyn aansoek opgelaai word.

7. Suksesvolle aansoekers sal skriftelik van hul aanstellings in kennis gestel word en sal 'n kontrak met die WKOD moet onderteken. Verdere korrespondensie ten opsigte van die nasienproses sal dan volg.

8. Kontak asseblief die volgende amptenare indien u enige hulp benodig:

Distrik Amptenaar Kontakbesonderhede
Kaapse Wynland
Eden en Sentrale Karoo		 Mark Cameron Mark.Cameron@westerncape.gov.za
Tel no.: 021 467 2964
Metro-Oos
Metro-Suid		 Nompumelelo Kanase Nompumelelo.Kanase@westerncape.gov.za
Tel no.: 021 467 2952
Metro-Noord
Weskus		 Christal Mentor Christal.Mentor@westerncape.gov.za
Tel no.: 021 467 2009
Metro-Sentraal
Overberg		 Norman Riddles Norman.Riddles@westerncape.gov.za
Tel no.: 021 467 2992

9. Die nasien van die NSS-eksamenskrifte is een van die belangrikste aspekte van die eksamenproses. Die WKOD is trots op die aanstelling van gekwalifiseerde en bevoegde nasieners. Prinsipale en ander senior amptenare wat nasieners aanbeveel, moet dus te goeder trou optree.

10. Prinsipale, distriksdirekteure, kringbestuurders en vakadviseurs word versoek om die inhoud van hierdie minuut onder die aandag van alle onderwysers te bring sodat hul vertroud is met die aanstellingskriteria en die proses wat gevolg moet word om aansoek te doen. Die Direktoraat: Assesseringsbestuur kan nie verantwoordelikheid aanvaar indien onderwysers nie oor die inhoud van hierdie minuut ingelig word nie, of indien hulle nie alle tersaaklike vereiste dokumentasie ingehandig het nie.

11. Die WKOD maak staat op u samewerking en ondersteuning ten opsigte van hierdie belangrike saak.


GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:03:15

Bylae A: Kriteria vir die aanstelling  (grootte: 60 KB)
Bylae B: Oorsig van die WKOD se aanlyn nasieners-aansoekproses  (grootte: 137 KB)
Bylae C: "Declaration"  (grootte: 63 KB)