| 1.1 |
Die Departement van Basiese Onderwys (DBO) het praktiese assesseringstake (PAT'e) in geselekteerde vakke opgestel. Dié PAT’e maak deel uit van die assesseringsvereistes vir die Nasionale Senior Sertifikaat(NSS)-eksamen in 2018 wat in die Kurrikulum- en Assesseringsbeleidsverklaring (KABV) van elke toepaslike vak uiteengesit is. |
| 1.2 |
Die PAT'e word intern by skole geassesseer en dan ekstern binne die provinsie gemodereer. |
| 2. |
Vakke wat PAT'e insluit: |
| 2.1 |
Landboubestuurspraktyke, Landboutegnologie |
| 2.2 |
Dansstudies, Ontwerp, Dramatiese Kunste, Musiek, Visuele Kunste |
| 2.3 |
Rekenaartoepassingstegnologie, Inligtingstegnologie |
| 2.4 |
Verbruikerstudies, Gasvryheidstudies, Toerisme |
| 2.5 |
Siviele Tegnologie, Elektriese Tegnologie, Ingenieursgrafika en -ontwerp, Meganiese Tegnologie |
| 3. |
Assessering van PAT'e
Die PAT-riglyne vir 2018 kan op die DBO se webwerf afgelaai word deur die volgende skakel te gebruik: http://bit.ly/2ESvFfM (of verkry toegang tot die DBO se tuisblad en klik op Practical Assessment Tasks en klik dan op 2018 Grade 10–12 PATs). |
| 3.1 |
Die PAT-riglyne moet aan die betrokke vakonderwysers voorsien word sodat hulle hierdie dokumente kan gebruik om tydens die eerste drie kwartale van 2018 vir die implementering van hierdie assesserings te begroot en te beplan. |
| 3.2 |
Die betrokke vakadviseurs en senior kurrikulumbeplanners sal deur die loop van die jaar ondersteuning bied. Skole moet dus toesien dat die betrokke onderwysers die distriksvergaderings bywoon wat oor die assessering en moderering van PAT'e handel. |
| 4. |
Prinsipale en beamptes van onderwysdistrikte moet toesien dat die inhoud van hierdie minuut onder die aandag van personeel, ouers en leerders gebring word. |
GETEKEN: H MAHOMED
WAARNEMENDE ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:02:01
|
 |