| 1. |
Die Departement van Basiese Onderwys (DBO) het Nasionale Assesseringsomsendbrief 1 van 2018 op 12 September 2018 vrygestel waarin die toepassing van die puntaanpassings en spesiale kondoneringstelsel vir leerders in die Senior Fase (graad 7 tot 9) vir hierdie jaar uiteengesit is. |
| 2. |
Die puntaanpassings en spesiale kondonering vir graad 7 tot 9 moet soos volg in 2018 toegepas word: |
| 2.1 |
'n Puntaanpassing van nie meer as 2% nie, moet in hoogstens drie vakke toegepas word. |
| 2.2 |
'n Kondonering in Wiskunde moet ook daarby toegepas word. Indien 'n leerder aan al die vereistes van bevordering van een graad na die volgende voldoen het (d.w.s. onderskeidelik vanaf graad 7, 8 of 9 na graad 8, 9 of 10), maar nie 'n vlak 3 (40%) in Wiskunde behaal het nie en om die rede teruggehou moet word, moet so 'n leerder in Wiskunde gekondoneer word. |
| 3. |
Skole wat van die Wes-Kaap Onderwysdepartement (WKOD) se rekordering- en rapporteringsprogramme vir graad 7, 8 en 9 gebruik maak, moet die proses volg wat hieronder beskryf word: |
| 3.1 |
Daar sal van skole verwag word om nuwe programme vir graad 7, 8 en 9 in kwartaal 4 van 2018 van SOBIS (2018 weergawe 2) af te laai en dan die punte van hul bestaande leers by die nuwe weergawe in te voer. |
| 3.2 |
. Gedetailleerde stapsgewyse prosedure sal op SOBIS voorsien word sodra die 2018 weergawe 2-programme gelaai. Weergawe 2 sal na verwagting teen 30 Oktober 2018 beskikbaar wees. Die aanpassings- sowel as die kondoneringsproses sal heeltemal geoutomatiseer wees. |
| 3.3 |
Die skedule, verifikasieblad en verslagkaart sal outomaties die veranderinge vertoon. |
| 4. |
Skole wat van hul eie rekordering- en rapporteringsprogramme gebruik maak en leerders het wat deur hierdie spesiale kondoneringstelsel geraak sal word, moet die proses, soos beskryf in die aangehegte DBO Nasionale Assesseringsomsendbrief 1 van 2018 (Bylae A), aan die einde van die jaar voltooi. |
| 5. |
Die bygewerkte skedule, aanpassinglys en verifikasieblad moet uitgedruk en aan die einde van die jaar aan die kringbestuurder vir verifiering voorgelê word. |
| 6. |
Waar nodig, moet die finale bevorderingsstatus van leerders op SOBIS as "Promoted with Mathematics condonation" vasgelê word.
|
| 7. |
Leerders wat 'n graad herhaal, moet nie van die aanpassingsproses uitgesluit word nie. |
| 8. |
Daar sal van skole verwag word om weergawe 2 van die rekordering- en rapporteringsprogramme te gebruik om die finale kwartaalprestasie vir graad 7 tot 9 op te laai. |
| 9. |
Let asseblief daarop dat hierdie kondoneringstelsel slegs in 2018 op graad 7, 8 en 9 van toepassing is. |
| 10. |
In die geval van graad 9-leerders, moet daarop gelet word dat leerders wat (nadat die kondonering goedgekeur is) nie 'n minimum punt van 30% vir Wiskunde behaal nie, nie toegelaat sal word om Wiskunde in graad 10 te neem nie. Sodanige leerders mag net vir Wiskundige Geletterdheid inskryf. Hierdie besluit sal ook 'n impak op vakkombinasies he (Fisiese Wetenskappe wat Wiskunde vereis). |
| 11. |
Die bovermelde kondoneringstelsel verander geensins die vakprogramvereistes of die ander vakbevorderingsvereistes vir die Senior Fase nie. |
| 12. |
Prinsipale word versoek om die inhoud van hierdie minuut onder die aandag van alle graad 7-, 8- en 9-onderwysers te bring. |
GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:10:17
|
 |