1. Die Nasionale Senior Sertifikaat (NSS)-eksamen word ingevolge die Regulasies betreffende die afneem, administrasie en bestuur van assessering vir die Nasionale Senior Sertifikaat-eksamen; (gewysig), soos uitgereik in Staatskoerant Nr. 31337 van 29 Augustus 2008, geadministreer en afgeneem, wat op openbare en onafhanklike assesseringsliggame van toepassing is wat die Nasionale Kurrikulumverklaring, graad R tot 12 assesseer en eksamineer.
2. Enige afwyking of oortreding van die regulasies deur 'n kandidaat wat vir die NSSeksamen ingeskryf is, kan daartoe lei dat hulle eksamenuitslae nietig verklaar word. Dit is dus noodsaaklik dat alle kandidate hierdie reels en regulasies ken en dit verstaan.
3. Die Departement van Basiese Onderwys (DBO) het versoek dat kandidate wat geregistreer is om die NSS-eksamen te skryf, 'n verbintenisooreenkoms en 'n belofte onderteken om die gedragskode van die eksamen te gehoorsaam.
4. Alle leerders en hulle ouers of voogde moet die verbintenisooreenkoms (Bylae A), voor die aanvang van die eksamen onderteken.
5. Die verbintenisooreenkoms bied 'n gedetailleerde lys van die sleutelreels en regulasies oor die NSS-eksamen asook 'n lys van onreelmatighede wat tydens die skryf van die eksamen kan voorkom.
6. Die nasionale seremonie vir die ondertekening van die belofte is vir Vrydag, 12 Oktober 2018 om 10:00 geskeduleer.
7. Skole moet vir elke graad 12-kandidaat 'n fotokopie van die NSS-eksamenbelofte (Bylae B) druk.
8. Skole moet kandidate in kennis stel dat die ondertekening van die belofte vrywillig is en dat kandidate nie verplig sal word om die belofte te onderteken nie.
9. Op 12 Oktober 2018, of op 'n gepaste alternatiewe datum, moet 'n vergadering van alle graad 12-leerders byeengroep word as deel van hul orientering en voorbereiding vir die skryf van die NSS-eksamen.
10. Tydens die prinsipaal se toespraak, moet die eksamenreels op die agterkant van die toelatingsbrief aan die kandidate voorgelees word.
11. Die kandidate moet gevra word om die belofte hardop te lees en dan toegelaat word om dit te onderteken.
12. Waar moontlik, moet fotokopiee van die ondertekende beloftes gemaak en as deel van elke kandidaat se skoolrekord by die skool bewaar word.
13. Die oorspronklike belofte moet vir die duur van die 2018 NSS-eksamen in die besit van elke kandidaat bly.
14. Daar word aanbeveel dat die ondertekening van die belofte tot graad 10- en 11-leerders uitgebrei word om 'n eenvormige standaard oor die afneem van die eksamen in die Verdere Onderwys- en Opleidingsfase te verseker.
15. Die aangehegte NSS-eksamenbelofte kan vir graad 10 en 11 aangepas word.
16. Prinsipale word vriendelik versoek om te verseker dat die seremonie vir die ondertekening van die belofte, korrek by hulle skole uitgevoer word.
17 Die samewerking van die 2018 NSS-eksamenkandidate in hierdie verband sal waardeer word.


GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:09:28

"Government Gazette No. 31337"  (grootte: 2 180 KB)
Bylae A: Verbintenisooreenkoms ten opsigte van die 2018 NSS-eksamen  (grootte: 53 KB)
Bylae B: NSS-eksamenbelofte  (grootte: 31 KB)