1. Die Departement van Basiese Onderwys (DBO) wil graag u aandag vestig op die prosedures en riglyne wat gedurende die afneem van die finale praktiese eksamens vir Rekenaartoepassingstegnologie (RTT) en Inligtingstegnologie (IT) gevolg moet word.

2. Hierdie minuut moet saamgelees word met Bylae G van die Regulations pertaining to the Conduct, Administration and Management of the National Senior Certificate (gewysig) wat in Staatskoerant Nr. 37651 van 16 Mei 2014 gepubliseer is.

3. Onderwysers en skole moet kontroleer dat die sagteware-instrumente, wat hulle gebruik om RTT en IT te implementeer, voldoen aan die inhoud en vaardighede wat in die Kurrikulum- en Assesseringsbeleidsverklaring (KABV) vir RTT en IT gelys is. Vraestelle sal nie aangepas word vir sagteware-instrumente wat nie aan die KABV voldoen nie.

4. Die November 2018 RTT-eksamen maak voorsiening vir die volgende sagtewarepakkette:

  1. Die jongste drie weergawes van Microsoft Office sal toegelaat word – MS Office 2010, MS Office 2013 en MS Office 2016 (ook bekend as MS Office 365)
  2. HTML editor, bv. Notepad ++ vir die ontwikkeling van webbladsye
5. Die November 2018 IT-eksamen maak voorsiening vir leerderlęers wat saam met die volgende sagtewarepakkette gebruik moet word:

  1. Delphi 2010 en hoër
  2. MS Access 2010 en hoër
6. Alle skole wat RTT en/of IT aanbied, sal deur vakadviseurs geëvalueer word.

7. Hoogstens twee eksamensessies sal op die dag van die eksamen toegelaat word. Die volgende roosters word vir die onderskeie sessies voorgestel:

  1. EEN SESSIE
BESKRYWING TYDSDUUR TYD
Sit in rekenaarlaboratorium   08:30–08:35
Uitdeel van toegangskaarte, aanmeldproses en die herbenaming van eksamenlęergidse Vyftien minute 08:35–08:50
Leestyd Tien minute 08:50–09:00
Vraestel 1 (Prakties) Drie uur 09:00–12:00
Voltooi kontrolering, versamel lęergidse, stoor op CD’s/DVD’s 120 minute (sal afhang van die getal kandidate) 12:00–14:00
  1. TWEE SESSIES
BESKRYWING TYDSDUUR TYD: EERSTE SESSIE TYD: TWEEDE SESSIE
Sit in rekenaarlaboratorium   07:30–07:35 13:00–13:05
Uitdeel van toegangskaarte, aanmeldproses en die herbenaming van eksamenlęergidse Vyftien minute 07:35–07:50 13:05–13:20
Leestyd Tien minute 07:50–08:00 13:20–13:30
Vraestel 1 (Prakties) Drie uur 08:00–11:00 13:30–16:30
Voltooi kontrolering, versamel lęergidse, stoor op CD’s/DVD’s 120 minute (sal afhang van die getal kandidate) 11:00–13:00 16:30–18:30

8. Waar daar twee sessies plaasvind, moet kandidate en hulle ouers skriftelik van die reëlings in kennis gestel word. Kandidate vir die tweede sessie moet 'n uur voor die einde van die eerste sessie aanmeld.

9. Die kandidate mag nie die eksamenlokaal verlaat voor alle administratiewe prosesse rakende die afneem van die praktiese eksamen voltooi is nie.

10. Op die dag van die eksamen, moet die hoofopsiener seker maak dat die algemene instruksies in die RTT P1-vraestel aan die kandidate voorgelees word voor die kandidate met hulle eie 10 minute leestyd kan begin.

11. Skole word herinner aan die volgende algemene rolle en verantwoordelikhede van die hoofopsieners, onderwysers en kandidate:
11.1 Voor die aanvang van die praktiese eksamen, moet die hoofopsiener verseker dat alle kandidate:

  1. toegangskaarte ontvang en lukraak by rekenaars geplaas word wanneer hulle by die eksamenlokaal ingaan;
  2. deur die aanmeldproses en die herbenaming van hul eksamenleergids geneem word;
  3. hul eksamennommers op die toegangskaarte aanbring en die opsiener die voltooide toegangskaart bo-aan die linkerkant van die kandidaat se inligtingsbladsy vaskram; en
  4. daaraan herinner word om hul werk gereeld en korrek te stoor.
11.2 Gedurende die praktiese eksamen moet die hoofopsiener verseker dat:

  1. benewens die toesighouer, 'n ervare RTT- of IT-onderwyser gedurende alle praktiese sessies teenwoordig is sodat hy of sy bystand kan verleen, indien nodig;
  2. alle toesighoudingsvereistes streng nagekom word;
  3. alle sekuriteitsprosesse onder toesig van die hoofopsiener uitgevoer word; en
  4. in die geval van 'n kragonderbreking, die korrekte prosedures gevolg word.
11.3 Na die praktiese eksamen moet die hoofopsiener verseker dat:

  1. kandidate kontroleer dat al hulle lêers binne hulle eksamenlêergidse gestoor, en met hulle korrekte eksamennommers benoem is;
  2. kandidate die inligtingsblaaie voltooi en seker maak dat die inligting met hulle eksamenlêergidse ooreenstem;
  3. die onderwyser al die kandidate se leergidse via die netwerk aflaai of 'n geheuestokkie gebruik om al die kandidate se leergidse na een sentrale rekenaar of bediener oor te laai, en te kontroleer dat al die kandidate se lêers in hulle leergidse met die inligting op hulle inligtingsblaaie ooreenstem;
  4. die onderwyser al die kandidate se leergidse op CD's/DVD's stoor, wat vir nasien ingehandig moet word, en terselfdertyd twee rugsteun CD's/DVD's skep waarvan een veilig by die eksamensentrum gestoor moet word en die ander by die eksamenafdeling ingehandig moet word;
11.4 Die RTT / IT-onderwyser moet seker maak dat alle kandidate se leergidse wat met die onderskeie kandidate se eksamennommers benoem is, op die CD's/DVD's gestoor is, en dat die lêers en leergidse almal kan oopmaak voordat die CD's/DVD's verpak en aan die hoofopsiener oorhandig word.
11.5 Indien die kandidate se lęergidse of lęers ontbreek, moet die onderwyser probeer om die ontbrekende of beskadigde lęergidse of lęers te herstel voordat die CD’s/DVD’s geskep word.
11.6 Die getal kandidate se lęergidse wat op CD’s/DVD’s gestoor word, moet met die getal kandidate wat op die puntestate verskyn, ooreenstem.
11.7 IT-kandidate wat hul kode druk, moet kontroleer dat die kode van al die eenhede gedruk is, en dan hul drukstukke in die korrekte volgorde plaas voor hulle dit aan die opsiener oorhandig.
11.8 Kandidate se lęers mag nie op geheuestokkies gestoor word nie, aangesien die risiko om lęers weens virusse te verloor, groter is met geheuestokkies.
11.9 'n Volledige verslag oor enige tegniese probleme of onreëlmatighede wat gedurende die eksamen plaasgevind het, moet by die Direktoraat: Eksamenadministrasie ingedien word.
11.10 Die RTT-/IT-onderwyser en die opsieners moet die kontrolelys (Bylae A: Rekenaartoepassingstegnologie en Inligtingstegnologie 2018-Kontrolelys) voltooi en onderteken, en dit by die Direktoraat: Eksamenadministrasie indien.

12. Enige navrae oor die prosedures vir die praktiese eksamens of noodgevalle, moet aan mnr I Francis by tel. nr. 021 467 2549 of by e-posadres Ighsaan.Francis@westerncape.gov.za gerig word.

13. Verseker asseblief dat 'n afskrif van hierdie minuut aan alle RTT- en IT-onderwysers en opsieners voorsien word.


GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:10:03

Bylae A  (grootte: 80 KB)