| 1. |
Hierdie minuut moet saamgelees word met die Regulations pertaining to the National Curriculum Statement Grades R-12, die Regulations pertaining to the Conduct, Administration and Management of the National Senior Certificate examination en die Policy pertaining to the Programme and Promotion Requirements of the National Curriculum Statement Grades R-12, soos gewysig in Staatskoerant, Vol. 618 Nr. 40472, van 02 Desember 2016 en Assesseringsbestuurminuut: 0017/2017, gedateer 10 Oktober 2017. |
| 2. |
Meervoudige eksamengeleentheid vir bevorderde graad 12-leerders |
| 2.1 |
Slegs 46% van die leerders wat die meervoudige eksamengeleentheid (MEG) in 2017 gekies het, het die Mei-/Junie-eksamen geskryf. |
| 2.2 |
'n Groter verbintenis word van skole benodig om hulle MEG-leerders te ondersteun en aan te moedig om hulle vir die Mei-/Junie-eksamen voor te berei. |
| 2.3 |
Die MEG-opsie gee leerders wat vanaf graad 11 tot graad 12 bevorder word, die keuse om minder as die sesvakpakkette in die November 2018-eksamen te skryf en die oorblywende vakke in die Junie 2019-eksamen te skryf. |
| 2.4 |
Die prestasie van bevorderde leerders moet in die graad 12 jaar gemonitor word, en in oorleg met die ouers/voogde, sal die leerders toegelaat word om die eksamen in vier vakke (Lewensoriëntering ingesluit) in 2018 te skryf en die oorblywende vakke in die Junie 2019-eksamen te skryf. |
| 2.5 |
Ten einde eenvormigheid in die toepassing van die MEG-opsie te verseker, moet 'n leerder wat hierdie opsie kies, aan elk van die volgende kriteria voldoen:
Die leerder -
- moet van graad 11 na graad 12 bevorder word;
- moes al sy/haar skoolgebaseerde assesseringsvereistes (SGA) in al sewe vakke in graad 12 voltooi het;
- moes op 'n gereelde basis skool bygewoon het (afwesigheid van meer as 20 onderrigdae, sonder 'n geldige rede);
- moes al die vakke in die September 2018-eksamen geskryf het; en
- moes 'n minimum van drie vakke in die September 2018-eksamens gedruip het.
|
| 2.6 |
Prinsipale met toesien dat die ouers/voogde van die leerders wat vir die MEG-opsie kwalifiseer, skriftelik op die aangehegte Bylae A in kennis gestel word. Die ouers/voogde moet aandui of hulle die aanbeveling aanvaar, al dan nie. Die skool moet die dokumentasie behou indien bewyse deur die distrikskantoor of hoofkantoor aangevra word. |
| 2.7 |
Die identifisering van die MEG-leerders moet teen 17 Oktober 2018 op SOBIS voltooi word en slegs aanvaarbare aanbevelings kan aangeteken word. Volg asseblief die prosedures wat in Bylae B uiteengesit is. |
| 3. |
Let asseblief daarop dat die MEG-opsie slegs op leerders wat van graad 11 na graad 12 bevorder word, van toepassing is. |
| 4. |
U word vriendelik versoek om die inhoud van hierdie minuut onder die aandag van alle graad 12-onderwysers, -leerders en -ouers/-voogde by u skool te bring. |
GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:09:28
|
 |