1. |
Die Kaapse Onderrig- en Leierskapinstituut (KOLI) sal in 2019 tydens skoolkwartale of skoolvakansies weer SARO-geendosseerde kursusse vir onderwyserontwikkeling, konferensies en seminare vir prinsipale, adjunkprinsipale, departementshoofde en onderwysers aanbied (Bylae A). |
2. |
Alle kursusse wat in 2019 deur die KOLI aangebied word, sal teen 15 November 2018 op die KOLI-webwerf beskikbaar gestel word: www.wcedctli.co.za. |
3. |
Onderwysers wat daarin belangstel om hierdie kursusse by te woon, moet via die KOLIwebwerf aanteken (die aanmeldings- en registrasieproses word in Bylae B uiteengesit). |
4. |
Die Wes-Kaap Onderwysdepartement (WKOD) sal aflosonderwysers in diens neem vir die duur van kursusse wat gedurende skoolkwartale deur onderwysers by die KOLI bygewoon word, met dien verstande dat:
- daar geen botallige onderwyser by die skool is nie;
- die onderwyser nie 'n onderwyser is wat deur die beheerliggaam betaal word nie; en
- die onderwyser nie reeds vir 'n ander onderwyser instaan nie.
|
5. |
Dit is die skool se verantwoordelikheid om 'n geskikte aflosonderwyser, vir die onderwyser wat die kursus bywoon, te vind en te benoem. |
6. |
Slegs 50 onderwysers sal vir elk van die kursusse, wat tydens die skoolkwartaal aangebied word, geregistreer word. |
7. |
Moet asseblief nie huiwer om met die volgende KOLI-programkoordineerders in verbinding te tree om meer inligting oor die KOLI-intervensies in 2019 te bekom nie:
- Gavin de Bruyn, telefoonnommer 021 900 5062, faks 021 900 5114, e-pos: Gavin.DeBruyn@westerncape.gov.za vir alle Skoolbestuur- en Leierskapontwikkelingskursusse en -seminare.
- Magdalena Benn, telefoonnommer 021 900 5016, faks 086 614 5151, e-pos: Magdelena.Benn@westerncape.gov.za vir alle Grondslagfasekursusse, en die Taal- en Wiskunde-oplossingkonferensie.
- Natasha Fouche, telefoonnommer 021 900 5018, faks 086 443 6276 e-pos: Natasha.Fouche@westerncape.gov.za vir alle Intermediere- en Senior Fasekursusse, en die Taal- en Wiskunde-oplossingkonferensie.
- Lumka Ndlungwana, telefoonnommer 021 900 5020, faks 021 900 5013, e-pos: Lumka.Ndlungwana@westerncape.gov.za vir alle Inklusiewe Onderwyskursusse en die Taal- en Wiskunde-oplossingskonferensie.
- Christo Davids, telefoonnommer 021 900 5039, faks 086 731 6833, e-pos: Christo.Davids2@westerncape.gov.za vir alle IKT-integrasie-intervensies.
|
8. |
Bring asseblief die inhoud van hierdie minuut onder die aandag van alle onderwysers.
|
GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:11:22
|
|