1. In 2014 is die 20ste herdenking van die viering van die Werelddag vir Onderwysers in Suid-Afrika gedenk. Die Departement van Basiese Onderwys (DBO) het hierdie mylpaal gevier deur 'n onderwyserseminaar aan te bied waar provinsiale onderwysbeamptes en sosiale vennote nabetragting kon hou oor die afgelope twintig jaar se viering van die Werelddag vir Onderwysers in Suid-Afrika.

2. Een van die aanbevelings van die seminar was dat die DBO met die National Education Collaboration Trust (NECT) en die Suid-Afrikaanse Raad van Opvoeders (SARO), onderwysersvakbonde en sosiale vennote moet saamwerk om die konsep oor die erkenning van onderwysers uit te brei.

3. Dit het in 2015 uitgeloop op die stigting van die Program vir die Waardering en Ondersteuning van Onderwysers (TASP) deur die Minister van Basiese Onderwys.

4. Twee groot gebeurtenisse is sedert die stigting van die TASP gevier:
4.1 Die 40ste herdenking van die 1976-jeugopstand in Soweto, sowel as die 60ste herdenking van die vroueopmars na die Uniegebou, is in 2016 herdenk.
4.2 Ter herdenking van die OR Tambo-eeufees in 2017, is 'n seminaar vir onderwysers met die tema "Vryheid om te onderrig, die bemagtiging van onderwysers" op 05 Oktober 2017 gehou.

5. Die 2018 nasionaal-gedrewe TASP-geleentheid sal uitloop op 'n hoofaktiwiteit op 05 Oktober 2018, waar die viering van die eeufees van die geboorte van die ontslape Mnr. Nelson Mandela, die eerste President van 'n demokratiese Suid-Afrika, herdenk sal word.

6. Die tema van die 2018-TASP is "Onderwysers en onderrig en die herdenking van die Nelson Mandela-eeufees gedurende die Vierde Industriele Rewolusie".

7. Onderwysers word versoek om aan die geleentheid deel te neem deur aanbiedings deur te stuur. Onderwysidees waarin die wye opvattings van Mnr. Mandela se sienswyses oor onderwys en 'n welbekende aanhaling deur Mnr. Mandela, "Onderwys is die magtigste wapen tot jou beskikking om die wereld te verander", aangeroer word, moet in die aanbieding vasgelê word.

8. Hiermee in ag genome, word onderwysers versoek om die riglyne wat verskaf word, te volg. Hierdie riglyne is aangepas uit die Varkey Foundation se kriteria oor klaskamerpraktyk, onderwysers se prestasies binne en buite die klaskamer, hulp aan leerders oor hoe om wereldburgers te word en hoe om 'n rolmodel te wees.

9. Onderwysers word versoek om aanbiedings wat op die riglyne in die verskafte Bylae A gebaseer is, voor te berei.

10. Onderwysers word ook versoek om kennis te neem van die verkiesbaarheidskriteria op bladsye 6 en 7 van die Bylae.

11. Die TASP-beoordelingspaneel sal die aanbiedings beoordeel en die nege bestes kies. Die onderwysers wat hierdie aanbiedings voorgele het, sal genooi word om dit tydens 'n seminar by die hoofgeleentheid op 05 Oktober 2018 aan te bied.

12. Deelnemende onderwysers moet hulle aanbiedings per a-pos aan Me. M Sangoni by Sangoni.m@dbe.gov.za stuur, asook 'n afskrif aan Me. P Mulaudzi by Mulaudzi.p@dbe.gov.za.

13. Die sluitingsdatum vir die voorlegging van aanbiedings is 31 Augustus 2018.

14. Die inskrywings sal na die sluitingsdatum op die Zibuza.net toep. gelaai word.

15. Alle onderwysers word aangemoedig om op die Zibuza.net toep., wat spesifiek ontwerp is vir die erkenning van onderwysers en hulle professionele ontwikkeling, te registreer.

16. Die Zibuza.net toep. sal onderwysers in staat stel om vir die beste aanbieding te stem en kommentaar op aanbiedings te lewer.

17. Stemming vir die beste aanbiedings sal op 1 September 2018 open en in September 2018 sluit, soos verwys op die Zibuza.net toep.

18. Die Dr CL Smith Foundation sal ook onderwysers wat aanbiedings voorgele het help om punte vir professionele ontwikkeling van SARO te bekom, aangesien dit as 'n Tipe 1 (self-geinisieerde) professionele ontwikkelingsaktiwiteit beskou sal word.

19. Onderwysers word versoek om vertroud te raak met:
19.1 die riglyne op bladsy 5, par. 13 (a).(f);
19.2 die verkiesbaarheidskriteria op bladsye 6.7;
19.3 die algemene kompetisiereels op bladsye 8.9; en
19.4 Bylae B - beoordelingskriteria (in besonderhede).

20. Let asseblief daarop dat die datums van die Bylaes ooreenkomstig aangepas is en dit moet ingevolge paragrawe 13 en 17 van hierdie minuut ooreenkomstig gelees word.

21. Kontak asseblief vir Mnr. Gavin de Bruyn by die Direktoraat: Kaapse Onderrig- en Leierskapinstituut (KOLI), per e-pos by Gavin.Debruyn@westerncape.gov.za of per tel. no. 021 900 5062/37, vir enige verdere besonderhede.

22. Bring asseblief die inhoud van hierdie minuut onder die aandag van alle onderrigpersoneel.


GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:07:04

Bylae A: "The guidelines for presentation..."  (grootte: 77 KB)