| 1. |
In Kurrikulum- en Assesseringsbestuursminuut 0001/2017, gedateer 25 Mei 2017, is daar
aangedui dat Omsendbrief S1 van 2017 wat deur die Departement van Basiese Onderwys (DBO) uitgereik is, nie deur die Wes-Kaap Onderwysdepartement (WKOD) geïmplementeer sal word nie, aangesien die implikasies vir vordering en bevordering nie voldoende uiteengesit is nie en verdere klarigheid verlang word. |
| 2. |
Hierdie minuut dien om distrikte en skole in kennis te stel dat hoewel die DBO steeds besig is om die implementering van Omsendbrief S1 van 2017 met belanghebbendes te bespreek, die WKOD besluit het om solank voort te gaan en in 2018 hierdie riglyne slegs gedeeltelik in die Grondslagfase, in graad 1 tot 3, te implementeer. |
| 3. |
Hierdie besluit is gebaseer op die assesseringsoorlading in die Grondslagfase in die Kurrikulum- en Assesseringsbeleidsverklaring (KABV) wat die beskikbare tyd vir gehalteonderrig, leer en informele assessering (formatiewe / assessering-vir-leer) verminder het. |
| 4. |
Bylae A bied leiding ten opsigte van die implementering van hierdie veranderinge in 2018. Alle skole wat graad 1 tot 3 aanbied, moet die voorgeskrewe riglyne in Bylae A, implementeer. Grondslagfase vakadviseurs is van die veranderinge in kennis gestel en sal op versoek ondersteuning aan skole bied. |
| 5. |
Skole moet kennis neem dat die WKOD 2018 optekeningslyste vir Grondslagfase ook slegs die vereiste een formele assesseringstaak per kwartaal, per vak en per graad soos aangedui in Bylae A, sal reflekteer. |
| 6. |
Die WKOD het besluit om geen verdere voorgestelde veranderinge in DBO Omsendbrief S1 van 2017 in die ander grade te implementeer, alvorens verdere duidelikheid van die DBO ontvang is nie. |
| 7. |
Prinsipale word vriendelik versoek om die inhoud van hierdie minuut onder die aandag van alle onderwysers te bring. |
GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:01:12
|
 |