| 1. |
As deel van die viering van nasionale vrouemaand en die erkenning van leierskaprolle wat vroue in sy diens speel, het die Wes-Kaap Onderwysdepartement (WKOD) vir die afgelope twee jaar, 2015 en 2016, met groot sukses 'n konferensie vir vroulike prinsipale aangebied. |
| 2. |
Die inisiatief beklemtoon verder die vordering ten opsigte van gelyke indiensneming in senior posisies op beide skool- en kantoorvlakke van die onderwysstelsel, en word benadruk deur die bekendstelling van 'n kursus vir Vroue in en tot Leierskap en Bestuur (WILM) wat jaarliks by die Kaapse Onderwys- en Leierskapinstituut aangebied word. |
| 3. |
Die Hoof van die Departement (HvD) het saamgestem dat die jaarlikse konferensie moet verseker dat die WKOD addisionele geleenthede vir ontwikkeling, sosiale koppelvlak en professionele ondersteuning vir vroue in leierskapposisie op skoolvlak bied. |
| 4. |
'n Ondersteuningsnetwerk is 'n forum van mense wat emosionele en praktiese bystand aan medelede van die netwerk bied wat 'n behoefte aan sodanige bystand en ondersteuning benodig. 'n Ondersteuningsnetwerk bied 'n veiligheidsnet vir sy lede. Die netwerk beoog om die professionele isolasie van vroulike skoolleierskap te verminder en selfs te beeindig. |
| 5. |
Die 2015- en 2016-afdelings van die geleentheid, in vennootskap met Old Mutual, was 'n groot sukses. Die konferensies is verweef met welweesaktiwiteite wat deur Old Mutal geborg is, en hierdie jaar sal geen uitsondering wees nie. |
| 6. |
Die konferensie sal die vorm van voltallige en wegbreeksessies aanneem om dieper professionele en opvoedkundige gesprekke aan te moedig. |
| 7. |
Die besonderhede van die konferensie is soos volg:
| Datum: |
12 Augustus 2017 |
| Plek: |
Old Mutual-gebou, Jan Smutsrylaan, Pinelands |
| Tyd: |
08:00 – 15:30 |
|
| 8.1 |
Prinsipale wat graag die konferensie wil bywoon, moet Deel A van die aangehegte vorm voltooi, en dit voor of op 04 Augustus 2017 aan me Avril Malgas faks by 086 729 5347. Die inligting word vroegtydig vereis om die logistieke reelings vir die geleentheid te bepaal en te bestuur. |
| 8.2 |
Prinsipale word versoek om, waar moontlik, saam te reis wanneer hulle die konferensie bywoon. Waar die afstand wat afgele is, 120 km in een rigting oorskry, sal prinsipale vir reiskoste vergoed word. Om reiskoste te eis, moet die aangehegte "Reis en Verblyf"- Z43-vorms by die aangewese amptenaar/e by die konferensielokaal ingedien word. Eise wat onvolledig of verkeerd bevind word, sal nie verwerk word nie. |
| 8.3 |
Waar die prinsipaal se reiskoste deur die skool befonds word, moet die eis in die naam van die skool gemaak word. Dit beteken dat die geld wat geeis word, in die skool se rekening betaal sal word. |
| 8.4 |
Verblyf sal slegs aan prinsipale wat verder as 200 km in een rigting moet reis, voorsien word. Prinsipale wat verblyf benodig, moet Deel B van die aangehegte vorm voltooi. Hierdie inligting word vroegtydig aangevra om die tydige verwerking van verblyf te verseker. Versoeke om verblyf moet op of voor 04 Augustus 2017 ontvang, en aan me Avril Malgas gefaks word by 086 729 5347. Afgevaardigdes wie se versoek om verblyf goedgekeur is, sal 'n e-pos ontvang om verblyf te bevestig. |
| 8.5 |
Waar die prinsipaal manlik is, mag die naam van die adjunkprinsipaal, wat 'n vrou is, vir die konferensie geregistreer word. In kleiner skole, sal die tweede in beheer toegelaat word om deel te neem, mits die persoon vroulik is. |
| 8.6 |
Indien u enige verdere navrae het, kontak me Avril Malgas by tel. nr. 021 467 2611. |
| 9. |
Prinsipale word versoek om te verseker dat die inhoud van hierdie minuut aan alle personeel en belangstellende partye in die skool oorgedra word. |
GETEKEN: S NAICKER
WNDE ADJUNK-DIREKTEUR-GENERAAL: INRIGTINSONTWIKKELING EN KOÖRDINERING
DATUM: 2017:06:28
|
 |