1. As gevolg van 'n maseluitbraak by 'n skool in Stellenbosch in Januarie 2017, word 'n inentingsveldtog tans deur die Wes-Kaapse Departement van Gesondheid (WKDvG) met de ondersteuning van die Nasionale Departement van Gesondheid gehou.
2. Die Wes-Kaap Onderwysdepartement (WKOD) versoek alle skole om die WKDvG van enige leerders of personeellede wat tans maselsimptome toon in kennis te stel sodat die WKDvG die vermoedelike gevalle kan ondersoek en bevestig. Masels is 'n rapporteerbare siekte met ernstige nagevolge indien dit nie korrek behandel word nie. Ten einde die uitbraak te stuit, moet alle vermoedelike gevalle deur die WKDvG opgevolg word. Die WKDvG sal ook diegene kontak met wie die leerder of personeellid in aanraking gekom het.
3. Maselsimptome kan voorkom as koors van 38°C of hoer, 'n veralgemeende vlekkerige uitslag en enige een van die volgende drie simptome: hoes, konjunktivitis (d.w.s. rooi oe) of verkoue (d.w.s loopneus).
4. Prinsipale moet enige vermoedelike maselgevalle onmiddellik by die WKDvG se Kantoor vir die Beheer van Oordraagbare Siektes by enige van die volgende nommers rapporteer: 021 483 3156 / 9917 / 9941 / 9964 / 2682 of 086 6111 092, of via epos na hlengani.mathema@westerncape.gov.za / babalwa.magodla@westerncape.gov.za / felencia.daniels@westerncape.gov.za of charlenea.jacobs@westerncape.gov.za.
5. Die volgende inligting is nodig wanneer 'n vermoedelike geval gerapporteer word (verskaf ook die mediese sertifikaat, indien beskikbaar):

Naam van skool  
Naam van prinsipaal  
Telefoonnr. van skool  
Naam van leerder/personeellid  
Simptome  
Datum waarop uitslag begin het  
Naam van dokter/gesondheidsfasiliteit waarna verwys word  
Telefoonnr. van dokter/gesondheidsfasiliteit waarna verwys word  
Telefoonnr. van ouer/toesighouer  
Adres van vermoedelike maselgeval  
6. Bring asseblief die inhoud van hierdie minuut onder die aandag van alle personeellede.


GETEKEN: TS MATSELISO
ADJUNK-DIREKDIREK-GENERAAL: INRIGTINGSONTWIKKELING - EN KOÖRDINERING
DATUM: 2017:02:24