| 1. |
ISaveyi yaQho ngoNyaka yeWCED yezikolo eziqhelekileyo iya kuqhutywa ngowe-07 Matshi 2017. Iinqununu kuya kufuneka zikusayinele ukuchaneka kwedatha yabafundi kwi-CEMIS. Kucelwa uqinisekise ukuba oku kulandelayo kubhalwe ngokuchanekileyo kwi-CEMIS ungadlulanga owe-07 Matshi 2017: |
| 1.1 |
Abafundi bakumabakala, kwiiklasi nakumacandelo e-LoLT achanekileyo. |
| 1.2 |
Kugqityiwe ukukhutshelwa kwabafundi (abamkelwayo nabakhutshwayo esikolweni). |
| 1.3 |
Utshintsho ngokwamabakala lwenziwe lwagqitywa. |
| 1.4 |
Izikrini zokufaka idatha ii-general information capture screens, kuqukwa nemibuzo ngokhuseleko lwezikolo, zigqityiwe ngokunjalo. |
| 2. |
ISaveyi yaQho ngoNyaka ikwafuna ukuba izikolo ziyihlaziye ingcaciso engootitshala zize zifake ingcaciso epheleleyo kwizikrini. Lo msebenzi kufuneka usayinelwe ungadlulanga owe-07 Matshi 2017 ngokuthi kuqinisekiswe le miba ilandelayo: |
| 2.1 |
Zihlaziyiwe iinkcukacha zootitshala ezimalunga neminyaka yamava, namabakala kunye nezifundo abazifundisayo ngo-2017 kuphela (mazisuswe iinkcukacha zamabakala nezezifundo ebezifundiswa kwiminyaka edlulileyo ukuba azifanele kuba kumthwalo womsebenzi katitshala ka-2017). |
| 2.2 |
Zigqityiwe izikrini zootitshala abatsha ukulungiselela ukungqinisiswa kwamabanga emfundo kwizifundo (subject qualifications). |
| 2.3 |
Zonke izikrini zokufaka idatha zizalisiwe yaye izikrini ebesele zinedatha ziyahlaziywa (pre-populated screens), umz. iifizi zezikolo neetheyibhile zeziseko zophuhliso (infrastructure tables). |
| 3. |
Isikrini esongezelelweyo esinengcaciso yehostele siya kubakho ukulungiselela ukufakwa kwedatha kwi-CEMIS. Iya kuba zizikolo ezineehostele kuphela eziya kuba nako ukuyibona le saveyi yongezelelweyo. |
| 4. |
Njengegosa le-EMIS leziko, inqununu mayizilawule iinkqubo zokufaka idatha ukuqinisekisa ukuba ubungqina bokuqinisekisa neesiginitsha zabasebenzi ekugqithiselwe kubo amagunya okutshekisha idatha bunokuvezwa xa bufunwa ngabaphicothi-zincwadi. Mayirekhodwe inkqubo yomsebenzi wokufaka idatha ye-EMIS (EMIS data business process) ukuqinisekisa ukuphendula kwabathwele uxanduva lokuchaneka kwedatha, njengoko le ngcaciso inokuphicothelwa ukuchaneka kwayo. Kucelwa nifunde iNgcaciso eMfutshane 0003/2012 yeCandelo loLawulo loLwazi neNgcaciso, ukufumana iingcaciso engaphezulu. Kukhunjuzwa iinqununu kwakhona ukuba ukususela ngo-2014, ukuchaneka kwedatha ye-CEMIS ngumqathango ophambili ekuya kuxhomekeka kuwo ukufumana kwezikolo intlawulo yesabelo-mali sesibini ngokwemimiselo nemigangatho yolwabiwo-mali (norms and Standards funding) (iNgcaciso eMfutshane 0044/2013 yeCandelo loLawulo loLwazi neNgcaciso). |
| 5. |
Kunyanzelekile ukusetyenziswa kwenombolo yesazisi kazwelonke (national identity number) ngabo bonke abafundi kuzo zonke iisistim zezolawulo nokuphathwa kwezikolo. Ikho ingxelo ye-CEMIS efumanekayo ukuqaphela abafundi abangenazinombolo zesazisi nokulungiselela ukufakwa ekhompyutheni kweenombolo zezazisi ezingekhoyo. Ukuba umfundi akanayo inombolo yesazisi evunyiweyo (valid ID number), makucetyiswe umzali ngenkqubo yokwenza isicelo se-ID kwiSebe leMicimbi yezeKhaya. Kucelwa iinqununu zibancedise abazali apho kunokwenzeka, ukuququzelela le nkqubo kwiSebe leMicimbi yezeKhaya. Makufundwe iNgcaciso eMfutshane yeCandelo loCwangciso loLawulo noKuphathwa kwamaZiko 0005/2014 ukufumana ingcaciso engaphezulu. |
| 6. |
Wakuhlangabezana nabo nabuphi ubunzima ekuzalisweni kwale saveyi, kucelwa kuthetha-thethwane nomphathi wesekethe ochaphazelekayo okanye negosa lesithili elidweliswe apha ngezantsi:
|
| 7. |
Iinqununu maziququzelele iinkqubo zeSaveyi yaQho ngoNyaka ukuqinisekisa ukuchaneka nokugqitywa kwedatha efakiweyo kwangethuba. |
ISAYINWE: NGU-M M HARKER
USEKELA MLAWULI-JIKELELE OBAMBELEYO WOCWANGCISO LWEMFUNDO
UMHLA: 2017:02:16
|
 |