1. Le ngcaciso ibhekiselele kumhlathi 9 weNcwadana yeMigaqo i-Standard Operating Procedures (SOP) Manual for Learner Transport Schemes (LTS), apho kucaciswa khona ngenkqubo yokuhlawulwa kwebango elisemthethweni likanokhontraki weLTS.
2. Ziyakhunjuzwa iinqununu ukuba xa zinika unokhontraki weLTS irejista yabafundi abasebenzisa izikim zothutho lwabafundi (form WCED-062), irejista imele ukubonisa kuphela amagama abafundi abagunyaziselwe ukuthuthwa nguNdlunkulu weSebe leMfundo leNtshona Koloni.
3. Ziyacelwa iinqununu nokuba ziqinisekise ukuba amanani abafundi achazwe ngoonokhontraki beLTS kwiFom yeBango (Claim Form (form WCED-063)) ayangqinelana nenani labantwana abachazwe kwifom WCED-062 form.
4. Amanani abafundi achazwe kwifom WCED-062 nakwi-WCED-063 forms, makangaze adlule kwinani labafundi abagunyaziselwe ukuthuthwa kwindlela ethile echaphazelekayo.
5. Kulindeleke ukuba kuthathwe amanyathelo ezoluleko ngakwezo nqununu zingazilandeli mbo ezi mfuno zimiselweyo zikhankanywe apha ngentla.
6. Iyathakazelelwa intsebenziswano yenu.


ISAYINWE: NGU-TS MATSELISO
USEKELA MLAWULI -JIKELELE WOPHUHLISO NOQUQUZELELO LWAMAZIKO
UMHLA: 2017:05:10