1. Die Departement van Kuns en Kultuur (DKES), in samewerking met die Suid-Afrikaanse Boekontwikkelingsraad (SABOR), het verklaar dat Nasionale Boekweek (NBW) 2017 vanaf 04 tot 10 September 2017 gevier sal word. Vanjaar se tema is "#BUY_A_BOOK".

2. Die tema moedig lede van ons samelewing aan om "'n boek te koop en te skenk" om meer plaaslike en uiteenlopende boeke in plaaslike tale te bevorder.

3. Die veldtog sal vanaf 28 Augustus tot 17 September 2017 by Exclusive Books, Bargain Books en Takealot.com aangebied word. Hierdie boekhandelaars sal gekeurde titels teen R20 aan die publiek verkoop.

4. Die Onderwysbiblioteek- en Inligtingsdienste (EDULIS) daag alle Wes-Kaap Onderwysdepartement (WKOD) -werknemers uit om ten minste een boek te koop en dit aan die skool van u keuse te skenk ten einde die skoolbiblioteek-/klaskamer-/leeshoekversameling uit te brei. EDULIS moedig alle inrigtings aan om 'n boks vir skenkings by 'n sentrale punt te plaas.

5. Vanjaar sal Internasionale Geletterdheidsdag (08 September) wêreldwyd gevier word en die tema is "Literacy in a Digital World".

6. Hierdie tema is daarop gemik om die verskillende soorte geletterdheidsvaardighede te ondersoek wat mense nodig het om toenemende digitaal-bemiddelde samelewings te bestuur, en doeltreffende geletterdheidsbeleide en -programme te ondersoek wat die geleenthede wat die digitale wêreld bied, te kan benut.

7. Die WKOD moedig skole aan om aan besprekings en aktiwiteite deel te neem om:

  • 'n beter begrip van die verskillende soorte geletterdheidsvaardighede te kry wat mense nodig het om in 'n digitale wêreld te beweeg, en wat dit vir geletterdheidsonderrig en -leer beteken;
  • belowende praktyke ten opsigte van beleide, programme, monitering en evaluering te deel en te ontleed, asook befondsing wat geletterdheid in 'n digitale wereld bevorder; en
  • te ondersoek hoe digitale tegnologie die vordering in jeug en volwasse geletterdheid kan ondersteun.
8. Die volgende distriksbeamptes kan rakende skoolbiblioteekdienste gekontak word:

Faith Lawrence Skoolbiblioteekadviseur,
Onderwysdistrik Weskus		 tel. nr. 021 860 1562
Janine Ontong Skoolbiblioteekadviseur,
Onderwysdistrik Kaapse Wynland		 tel. nr. 023 348 4657
Carol van der Heever Skoolbiblioteekadviseur,
Onderwysdistrik Metro-Suid		 tel. nr. 021 370 2084

9. Na aanleiding van versoeke van opvoeders om advies oor skoolbiblioteke, kan die volgende EDULIS-personeellid gekontak word:

Timothy Cloete Koördineerder: Skoolbiblioteekdienste tel. nr. 021 957 9626


GETEKEN: HA LEWIS
ADJUNK-DIREKTEUR-GENERAAL: ONDERWYSBEPLANNING
DATUM: 2017:08:24