1. |
UMphathiswa weSebe leNkonzo kaRhulumente noLawulo (MPSA) wapapasha imimiselo efakelwe izilungiso i-Public Service Regulations (PSR), 2016, kwiGazethi kaRhulumente No. 40167 yange-29 Julayi 2016, eyaqala ukusebenza ukususela nge-01 Agasti 2016, ethatha indawo yemimiselo eyi-Public Service Regulations, 2001. Imimiselo ye-2016 PSR inika igunya i-MPSA lokutyumba ezinye iindidi zabaqeshwa emazixele ukuchaphazeleka kwazo kwimicimbi yezemali. Ngaphezu koko, i-MPSA inamagunya okumisela udidi, umhla nokuchaphazeleka kwimicimbi yezemali omakuxelwe ngumqeshwa. |
2. |
Phambi kukaMatshi 2017, kuphela ngamalungu eNkonzo yaBaphathi aBaphezulu (Senior Management Service) (SMS) awayetyunjelwe ukuba akuxele ukuchaphazeleka kwabo kwimicimbi yezemali. Nge-16 Matshi 2017, i-MPSA yatyumba ezinye iindidi zabaqeshwa njengoko bechaziweyo apha ngezantsi, ekufuneka bekuxele ukuchaphazeleka kwazo kwimicimbi yezemali (ngokoxwebhu i-MPSA Determination eqhotyoshelweyo apha):
- Umqeshwa owamkela umvuzo olingana nomvuzo wenqanaba 13 –nangaphezulu nge-Occupation Specific Dispensation (OSD).
- Umqeshwa oqeshwe kwinqanaba lomvuzo 11 no-12 kuqukwa nabaqeshwa abamkela umvuzo olingana nowenqanaba 11 no-12 nge-OSD.
- Umqeshwa oqeshwe kwiyunithi yolawulo loqhagamshelwano lwabathengi nabathengisi kungajongwanga nqanaba lomvuzo wakhe.
- Umqeshwa oqeshwe kwiyunithi yezemali kungaselweso nqanaba lomvuzo wakhe.
- Amagosa ajongene nokuthotyelwa kwemigaqo yokuziphatha ngentsulungeko (ethics officers) nawaphi na amanye amagosa ekudluliselwe kuwo amagunya kwisistim yasekhompyutheni eyi-eDisclosure system.
Umhlathi 4.1 (apho uya kusebenza khona lo mgaqo-nkqubo) we-MPSA Determination uchaza ukuba lo mqathango usebenza kuwo onke amasebe nakubaqeshwa bawo abaqeshwe ngokoMthetho weNkonzo kaRhulumente, ka-1994 (uMthetho 103 ka-1994), kuqukwa nootitshala.
|
3. |
Abaqeshwa abatyunjiweyo mabakuxele ukuchaphazeleka kwabo kwimicimbi yezemali ukwenzela:
- ukuqinisekisa ukwenziwa kwezinto ekuhleni;
- ukuqinisekisa uxanduva lokuphendula ngokwenzayo;
- ukusombulula ukungqubana kweemfuno phakathi kwemisebenzi yabo yaseburhulumenteni nemicimbi yabo yabucala yezemali; kunye
- nokukhuthaza ukuziphatha ngentsulungeko nangentembeko (ethics and integrity) kwanokuqubisana nobuqhophololo kwinkonzo karhulumente.
|
4. |
ISebe leMfundo leNtshona Koloni liya kuqalisa ngenkqubo yokuqinisekisa ukuthotyelwa komgaqo-nkqubo, ngokungqinelana nemimiselo ye-MPSA Determination, phakathi kwe-01 Septemba 2017 ne-31 Oktobha 2017. Imihla ebhalwe kumhlathi 7 wemimiselo i-MPSA Determination eqhotyoshelwe apha iya kuqalisa ukusebenza ukususela ngo-2018.
Iindidi zabaqeshwa abatyunjiweyo |
Imihla emisiweyo yokuxela kuchaphazeleka |
Abaqeshwa abaqeshwe kwinqanaba lomvuzo 12 kuqukwa nabaqeshwa abamkela umvuzo olingana nowenqanaba 12 nge-OSD (kuqukwa neenqununu ezikumanqanaba emivuzo elinganayo). |
Nge-01 Septemba 2017 ukuya kwi-31 Oktobha 2017 |
Abaqeshwa abagunyaziswe nguMphathiswa wePhondo, nguGunyaziwe weSigqeba, yiNtloko yeSebe ukwenzela ukugcinwa kweerekhodi nokuqaliswa ngempumelelo kweCandelo 2 le-PSR, lika-2016 |
Nge-01 Septemba 2017 ukuya kwi-31 Oktobha 2017 |
Abaqeshwa abaqeshwe kwinqanaba lomvuzo 11 kuqukwa nabaqeshwa abamkela umvuzo olingana nowenqanaba 11 nge-OSD (kuqukwa neenqununu ezikumanqanaba emivuzo elinganayo) |
Nge-01 Septemba 2017 ukuya kwi-31 Oktobha 2017 |
Abaqeshwa abakwicandelo lolawulo loqhagamshelwano lwabathengi nabathengisi kwaneeyunithi zemicimbi yezemali, kungajongwanga nqanaba lamvuzo wabo |
Nge-01 Septemba 2017 ukuya kwi-31 Oktobha 2017 |
|
5. |
Kuya kunikwa iiseshoni ezingokusebenza kwesistim yasekhompyutheni eyi-eDisclosure system apho kuye kwacelwa njalo. |
6. |
Umqeshwa osandula kuqeshwa otyunjiweyo ongekabhaliswa kwisistim yasekhompyutheni i-eDisclosure system makazalise ifom yobhaliso eqhotyoshelweyo apha njengesiHlomelo A. Ifom ezalisiweyo mayingeniswe kwigosa elijongene nokuthotyelwa kwemigaqo yokuziphatha ngentsulungeko (ethics officer) eliya kuququzelela ukubhaliswa komqeshwa kwisistim yasekhompyutheni i-eDisclosure system. |
7. |
Amathuba okuxela ukuchaphazeleka ngala alandelayo:
- Abaqeshwa abatyunjiweyo abakhoyo: kunyaka-mali odlulileyo (01 Apreli yonyaka ongaphambili ukuya kwi-31 Matshi yonyaka omiyo).
- Abaqeshwa abasandula kuqeshwa abatyunjiweyo: Unyaka-mali ophambi komhla wokuqeshwa (umz. ukuba baqeshwe nge-01 Julayi 2017, abasebenzi mabakuxele ukuchaphazeleka kwabo kwimicimbi yezemali kunyaka-mali 2016/17, o.k.t. nge-01 Apreli 2016 ukuya kwi-31 Matshi 2017).
- Abaqeshwa abasandula kuqeshwa baneentsuku eziyi-30 emva kokuqalisa umsebenzi ukuxela ukuchaphazeleka kwabo kwimicimbi yezemali.
|
8. |
Abaqeshwa abatyunjiweyo (ngaphandle kweNtloko yeSebe (HoD)) mabakuxele ukuchaphazeleka kwabo kwimicimbi yezemali kwi-HoD yabo. |
9. |
Ngokomhlathi 11 (Ukungathobeli mgaqo-nkqubo nokunika ingxelo) wemimiselo i-MPSA Determination, kunyanzelekile ukuthobela ukuzalisa iinkcukacha zokuxela ukuchaphazeleka kwakhe kwimicimbi yezemali. |
10. |
Ukukulungiselela ukuba ukwazi ukuzifundela, kuqhotyoshelwe apha isikhokelo esifundeka lula esikuchazela ngendlela yokubhalisa nokuxela ukuchaphazeleka kwakho kwimicimbi yezemali kwisistim yasekhompyutheni i-eDisclosure system njengoko kucacisiweyo kule listi ingezantsi:
- Izabelo okanye naluphi olunye udidi lwezabelo zamashishini (equity) kwinkampani yabucala okanye ekarhulumente okanye nakweliphi elinye iqumrhu elamkelekileyo emthethweni
- Ii-akhawunti zemali-mboleko (kungafakwanga iibhondi, iimali-mboleko zokuthenga imoto, nee-akhawunti zokuthenga iimpahla zeevenkile
- Ii-asethi ezingenisa imali
- Iithrasti
- Ukuba ngumlawuli nehlakani kwinkampani ethile
- Ukuba ngumcebisi wenkampani
- Abaxhasi
- Izipho nenkonzo yokubukwa kweendwendwe esuka komnye umntu ongelilo ilungu losapho
- Ubumnini nokunye ukuchaphazeleka kwipropathi enokushenxiseka
- Izithuthi
- Kunye nakuphi ukuchaphazeleka kwimicimbi yezemali
- Omnye umsebenzi ohlawulelwayo ngaphandle kwesebe lomqeshwa (RWOPS)
|
11. |
Umgaqo-nkqubo i-Western Cape Government’s Policy on Remunerative Work Outside Public Service (RWOPS) olawula ukwenziwa komsebenzi ohlawulelwayo ngabaqeshwa ngaphandle kwenkonzo karhulumente, uphunyezwe ukususela nge-01 Septemba 2012, ulawula umsebenzi ohlawulelwayo ngaphandle kwenkonzo karhulumente yaye uqhotyoshelwe kule setyhula.
Umhlathi 13(c) weCandelo 1, kwiSahluko 2 seMimiselo yeNkonzo kaRhulumente, ka-2016 (Public Service Regulations (PSR), 2016), oqale ukusebenza ukususela nge-01 Agasti 2016 ucacisa ukuba umqeshwa:
"akasayi kushishina nequmrhu likarhulumente nokuba leliphi okanye abe ngumlawuli wenkampani karhulumente okanye eyabucala eqhuba ushishino nequmrhu likarhulumente, ngaphandle kokuba umqeshwa onjalo ungumlawuli osesikhundleni wenkampani ekuluhlu lweshedyuli 2 no-3 zoMthetho woLawulo lweMali kaRhulumente".
"not conduct business with any organ of state or be a director of a public or private company conducting business with an organ of state, unless such employee is in an official capacity a director of a company listed in schedule 2 and 3 of the Public Finance Management Act". Lo mqathando usebenza ngokuthi uguqulwe apho kuyimfuneko (mutatis mutandis) kubaqeshwa abaqeshwe ngokoMthetho weNgqesho wooTitshala, ka-1998 (uMthetho 76 ka-1998).
|
12. |
Makuqhagamshelwane nala magosa alandelayo azii-ethics officers ukufumana ingcaciso okanye iimpendulo ngemibuzo esenokubakho:
|
ISAYINWE: NGU-BK SCHREUDER
INTLOKO: YESEBE LEMFUNDO
UMHLA: 2017:09:09
|
|