1. ISebe leMfundo leNtshona Koloni (ISebe iWCED) linqwenela ukwazisa malunga nokufumaneka kweebhasari eziyi-66 zeemeko ezizodwa zeFunza Lushaka (extraordinary Funza Lushaka bursaries) zonyaka wokufunda ka-2018 kubafundi beBakala 12 abanenjongo yokulandela izifundo zokufumana isiqinisekiso sokuqeqeshelwa ukufundisa (formal teaching qualification).

2. ISebe leMfundo esiSiseko kuzwelonke (i-DBE) linebhasari ebizwa ngokuba yiFunza Lushaka Bursary Scheme, enikwa abafundi abapasa emagqabini ibhasari yokuhlawula ngokupheleleyo iifizi zokufunda, ezendawo yokuhlala nokutya, isibonelelo seencwadi zezifundo, seenowuthsi nefizi zelebhu (notes and laboratory fees) (apho kufanelekileyo), nemali yaqho ngenyanga (monthly stipend) yokuhlawulela iintwana-ntwana eziyimfuneko (basic living expenses).

3. I-Funza Lushaka Bursary Scheme yiprogram yeminyaka ngeminyaka (multi-year programme) eyaqaliswa ngo-2007 ukuphakamisa umsebenzi wokufundisa kwizikolo zikarhulumente njengekhondo elinokukhethwa ngabemi baseMzantsi Afrika abanako nabazimiseleyo. Le program iqhutywa apha kwiphondo, kwiYunivesithi yaseNtshona Koloni, kwiYunivesithi yaseStellenbosch naseCape Peninsula University of Technology.

4. Ngo-2012, i-DBE yaqalisa ngeprogram yokugaya abafundi eqhubekela kwizithili (districtbased recruitment programme) ethagetha abafundi abakwiindawo ezithwaxwa yintlupheko (abafundi abakwizikolo ezingabizi zifizi nabakuxolelweyo ukuhlawula iifizi) ukubanceda ukuba bafumane iFunza Lushaka Bursary Scheme. ISebe iWCED ke ngoko, liya kunika abafundi iibhasari ezingamashumi amathandathu anesithandathu (66) zeemeko ezizodwa (66 extraordinary bursaries) ikwenza oko kuphela kwizikolo ezikwiingingqi ezisemaphandleni, ithathela ingqalelo iimfuno zezithili zemfundo ezisemaphandleni.

5. Ukunikwa iFunza Lushaka Bursary kuxhomekeke kule miqathango ilandelayo:

  1. Iprogram iya kuxhasa ngemali abafundi abanqwenela ukugxininisa kwimfundo yeSigaba seSiseko (Foundation Phase education) (AmaBakala 1 - 3) okanye abo banenjongo yokufundela isidanga se-BEd FET, begxininisa kwi-Economics, kwi-Accounting, kwi-Mathematics, kwi-Science kunye/okanye nezifundo zethekhnoloji.
  2. Ibhasari yeyonyaka wokufunda omnye ngexesha yaye, xa kukho ubungqina bokuphumelela kwizifundo, inokuhlaziywa kwakhona kunyaka ngamnye de lowo onikwe ibhasari aphumelele isiqinisekiso sokuba ngutitshala oqeqeshiweyo.
  3. Kuya kufuneka onikwe ibhasari afake isicelo kwakhona ekupheleni kuka-Oktobha kunyaka ngamnye ukulungiselela unyaka olandelayo.
  4. Akuyigqiba ikhosi yezifundo, umfundi onikwe ibhasari kuya kufuneka afundise esikolweni esisemaphandleni esikwingingqi yakhe ahlala kuyo njengangoku ithuba lonyaka omnye ngonyaka ngamnye afumene ibhasari ngawo.
  5. Ikopi yeziphumo zango-2016 zeBakala 11 zomenzi-sicelo mazingeniswe kunye nesicelo sokuqala.
6. Ngaphezulu, abenzi-sicelo abalindelekileyo mabenze izicelo yaye bazifezekise iimfuno ezimiselweyo zokwamkelwa kula maziko ahlukeneyo emfundo ephakamileyo (Higher Education Institutions) (ii-HEI) achazwe kumhlathi 4 apha ngentla. Yikomiti yokhetho kaNdlunkulu weSebe iWCED eKapa, eya kunika iingcebiso kwiSebe leMfundo likazwelonke ngokuvunywa kweebhasari ngokwezinto aqaqambe ngazo umenzi-sicelo (on merit), ngokusekelwe kwezi khrayitheriya zezifundo (academic criteria) zizezona zisezantsi zilandelayo:

  1. Ukupasa kwinqanaba leBakala 12 ube nako "ukwamkelwa kwizifundo zesidanga sokuqala ("admission to Bachelor’s degree studies")
  2. Ukupasa uLwimi lweeNkobe ngo-40% okanye ngaphezulu, uLwimi lokuQala oloNgezelelweyo ngo-30% okanye ngaphezulu nezinye izifundo ezine ngo-50%.
  3. Abafundi abanqwenela ukugxininisa kwiSigaba seSiseko, mabapase iMathematika okanye uLwazi lweMathematika (Mathematical Literacy) kwinqanaba leBakala 12.
  4. Abafundi abanqwenela ukugxininisa ekufundiseni izifundo zethekhnoloji, mababe bayipasile i-Mathematics/i-Technical Mathematics ne-Physical Sciences/Technical Science.
7. Iingcebiso zokuvunywa kwibhasari

  1. Ukupasa kwinqanaba leBakala 12 ube nako "ukwamkelwa kwizifundo zesidanga sokuqala ("admission to Bachelor's degree studies").
  2. Ukupasa ngo-Level 4 ubuncinane okanye ngo-60% kuLwimi lweeNkobe okanye ngo-50% kwinqanaba lematriki kwisifundo esikhokelela kwinkalo yesifundo eyiprayorithi /kwisifundo apho umenzi-sicelo aya kugxininisa kwikhosi yeBEd.
8. Umhla wokuvala ukwamkelwa kwezicelo yi-31 Julayi 2017. Abenzi-sicelo mabenze izicelo zabo ngokuzalisa le fom yesicelo iqhotyoshelweyo yaye zonke izicelo ezizalisiweyo maziziswe kula magosa abhalwe ngezantsi.

Malunga nayo nayiphi imibuzo ngalo mba kungaqhagamshelwana nala magosa alandelayo kuNdlunkulu weSebe iWCED:
9. Kucelwa wazise okukule ngcaciso imfutshane bonke abafundi beBakala 12 ukuze bakuthathele ingqalelo.


ISAYINWE: NGU-BK SCHREUDER
INTLOKO: YESEBE LEMFUNDO
UMHLA: 2017:06:24

"Expression of interest for district based FL Bursary: 2018"  (ubukhulu: 75 KB)