1. |
Doel
Die doel van hierdie minuut is om die 2018 Vakatureroosters vir inrigtinggebaseerde opvoeders, inrigtinggebaseerde staatsdiens, kantoorgebaseerde opvoeders en kantoorgebaseerde staatsdiensvakatures in die Wes-Kaap Onderwysdepartement (WKOD) bekend te maak. |
2. |
Publikasiedatums
Die publikasiedatums van die vakaturelyste, asook ander belangrike datums, is in die aangehegte bylaes vervat. |
3. |
Inrigtinggebaseerde opvoeders |
3.1 |
Die WKOD sal drie vakaturelyste vir inringtinggebaseerde opvoeders uitreik. |
3.2 |
Die WKOD sal nie afsonderlike vakaturelyste vir poste op verskillende vlakke hê nie. Alle vakante poste vir inrigtinggebaseerde opvoeders moet dus so spoedig moontlik in die vakaturelyste geadverteer word. |
3.3 |
Vakaturelys 3 sal as 'n geslote vakaturelys vir nuwe inkomelinge ten opsigte van posvlak 1-vakatures gepubliseer word. |
3.5 |
Prinsipale en beheerliggame word versoek om seker te maak dat advertensies elektronies op die WKOD se webtuiste by https://wcedonline.westerncape.gov.za en teen die gegewe sperdatum op die konsepvakaturelys ingevul word. |
3.6 |
Geen vorms in drukstukformaat sal aanvaar word nie. Prinsipale moet met hul kringbestuurders oorleg pleeg indien hulle probleme met die voltooiing van advertensies op die konsepvakaturelys op die webtuiste ondervind. |
4. |
Kantoorgebaseerde opvoeders |
4.1 |
Die WKOD sal drie kantoorgebaseerde opvoedervakaturebulletins uitreik. |
4.2 |
Lynbestuurders moet seker maak dat advertensies teen die sperdatums, wat op die bylae aangedui is, aan die Direktoraat: Werwing en Keuring voorgelê word. |
4.3 |
Indien daar nie by die tydsraamwerke gehou word nie, sal die advertensie tot die volgende publikasiedatum/vakaturebulletin uitgestel word. |
4.4 |
Geen spesiale vakaturebulletins sal vir die poste met betrekking tot kantoorgebaseerde opvoeders gepubliseer word nie. |
5. |
Inrigtinggebaseerde staatsamptenare |
5.1 |
Die WKOD sal twee vakaturebulletins vir inrigtinggebaseerde staatsdiensbevorderingsposte (algemene voorman, huishoudelike toesighouers en senior huishoudelike toesighouers) uitreik. |
5.2 |
Vakante/befondsde poste sal op die diensstaat van die WKOD geidentifiseer word. |
5.3 |
Skole moet advertensieversoeke deur die Mensbestuurspraktykestelsel (MBPS, voorheen bekend as MKVBS) vir publikasie verifieer. |
5.4 |
Indien daar versuim word om advertering te bevestig, sal uitsluiting van 'n vakante pos in die WKOD die pos in die vakaturebulletin vir publikasie insluit. |
5.5 |
Omskakelversoeke van intreevlakposte (administrasieklerke, algemene assistente, huishoudelike hulppersoneel) sal nie voor die publisering van 'n omskakelomsendbrief aanvaar word nie. |
6. |
Kantoorgebaseerde staatsamptenare |
6.1 |
Die WKOD sal drie kantoorgebaseerde staatsdiensvakaturebulletins uitreik. |
6.2 |
Lynbestuurders moet seker maak dat advertensies aan die Direktoraat: Werwing en Keuring voorgelê word. |
6.3 |
Indien daar nie by die tydsraamwerke gehou word nie, sal die advertensie tot die volgende publikasiedatum/vakaturebulletin uitgestel word. |
6.4 |
Spesiale Vakature-bulletins sal slegs vir seniorbestuursposte gepubliseer word. |
6.5 |
Die goedkeuring van die Uitvoerende Komitee is nodig vir die publikasie van advertensies, en sodanige goedkeuring moet ingesluit word wanneer 'n advertensie ingedien word. |
6.6 |
Bestuursplanne moet ingesluit word wanneer die advertensie ingedien word. |
8. |
Die samewerking van alle betrokkenes sal die suksesvolle bestuur van die aanstellingsproses verseker en baie waardeer word. |
GETEKEN: BK SCHREUDER
HOOF: ONDERWYS
DATUM: 2017:10:21
|
|