| 1. |
Die Wes-Kaap Onderwysdepartement (WKOD) nooi alle staatsdienswerknemers, wat in 2018 deeltyds wil studeer, om vir die deeltydse studiebeurse aansoek te doen. |
| 2. |
In ooreenstemming met die Nasionale Kwalifikasieraamwerk, 2008 (Wet 67 van 2008), soos gewysig, en die toelatingsvereistes vir poste in middelbestuur en senior bestuur, sal die WKOD voorkeur gee aan staatsdienswerkers wat hul kwalifikasies tot graadvlak (NKR 7) wil verbeter, of wat onderneem om vir 'n voorgraadse graad (NKR 7) te studeer. |
| 3. |
Aansoekers sal slegs beurse ontvang indien hulle: |
| 3.1 |
Suid-Afrikaanse burgers is; |
| 3.3 |
aan die toelatingsvereistes van die betrokke Hoer Onderwysinrigting (HOI) voldoen; |
| 3.4 |
'n bewys van die aansoek kan toon, of 'n afskrif van die aansoekfooikwitansie van die HOI vir die 2018 akademiese jaar het; |
| 3.5 |
daartoe verbind is om gedurende 2018 deeltyds te studeer; |
| 3.6 |
met 'n voorgraadse of nagraadse kwalifikasie besig is; en |
| 3.7 |
nie 'n ander staatsbeurs of enige ander beurs ontvang nie. |
| 4. |
Alle aansoekers sal volgens die volgende kriteria geevalueer word: |
| 4.1 |
geskiktheid van die voorgenome studieveld ten opsigte van die WKOD se huidige en toekomstige strategiese behoefte; |
| 4.2 |
betrokke komponente se spesifieke of skaars vaardighede; |
| 4.3 |
diensbillikheid (ras, geslag, gestremdhede); |
| 4.4 |
of aansoekers uit landelike of stedelike gebiede kom; |
| 4.5 |
toepaslikheid ten opsigte van die spesifieke posbeskrywing; |
| 4.6 |
salarisvlakke en die beskikbaarheid van fondse; |
| 4.7 |
eerste kwalifikasie teenoor tweede kwalifikasie; en |
| 5. |
Die volgende dokumente moet die aansoek vergesel: |
| 5.1 |
voltooide beursaansoekvorm (by hierdie minuut aangeheg); |
| 5.2 |
'n beraming van die studiekoste (registrasie en onderrig) van die HOI vir die 2018 akademiese jaar (hierdie inligting kan by die HOI verkry word); |
| 5.3 |
toesighouer se aanbeveling en motivering van die aansoek; en |
| 5.4 |
bewys van die aansoek of 'n afskrif van die aansoekfooikwitansie van die HOI. |
| 6. |
Geen laat, onvolledige, gefakste of onleesbare aansoeke sal oorweeg word nie. |
| 7. |
Aansoeke vir die volgende studierigtings, waarin daar 'n behoefte aan gekwalifiseerde personeel en/of 'n voortdurende behoefte in die WKOD is, sal voorkeur geniet.
| TIPE KWALIFIKASIE |
STUDIERIGTING/DISSIPLINE |
Graad NKR-vlak 7/ Nasionale
Diploma (wat tot 'n NKR-vlak 7 lei) |
Finansiele Bestuurstelsels, Finansiele Bestuur, Rekeningkunde en Ouditkunde |
Graad (NKR-vlak 7)/ Nasionale
Diploma (wat tot 'n NKR-vlak 7 lei) |
Menslike Hulpbronbestuur/Ontwikkeling |
Graad NKR-vlak 7/ Nasionale
Diploma (wat tot 'n NKR-vlak 7 lei) |
Openbare Bestuur |
|
| 8. |
Alle aansoeke moet teen Vrydag, 29 September 2017, by die Direktoraat: Strategiese Mensbestuur vir die aandag van mnr L Ndzongo by Kamer 9, 8ste Vloer, Goue Akker-gebou, Kaapstad, 8001 ingedien word, of na Privaatsak X9114, Kaapstad, 8000 gepos word. |
| 9. |
Die beurskomitee sal alle aansoeke oorweeg en dan aanbevelings vir beurstoekennings maak. Beurstoekennings sal nie die volle registrasie- en klasgelde oorskry of noodwendig dek nie. Die getal aansoeke wat ontvang word, sowel as die beskikbare fondse, sal die getal beurse bepaal wat toegeken word. |
| 10. |
Daar sal van elke suksesvolle aansoeker verwag word 'n formele ooreenkoms (beurskontrak) met die WKOD aan te gaan om 'n jaar diens te lewer vir elke jaar wat die beurs toegeken was, en aan alle ander bepalings, soos in die beursooreenkoms uiteengesit, te voldoen. |
| 12. |
Vir enige verdere navrae oor die staatsdiens se beursaansoeke vir 2018, kan mnr Lusapho Ndzongo by e-posadres Lusapho.Ndzongo@westerncape.gov.za of by tel. nr. 021 467 2190 gekontak word. |
| 13. |
Maak asseblief seker dat alle staatsdienswerknemers in u komponent van die inhoud van hierdie minuut bewus gemaak word. |
GETEKEN: BK SCHREUDER
HOOF: ONDERWYS
DATUM: 2017:08:24
|
 |