1. Die Graad R-subsidieproses vir 2017/18 is in omsendbrief 39/2016 verduidelik en daar is na die instel van 'n geoutomatiseerde proses verwys.
2. Met ingangvan 01 April 2017 sal alle Graad R-subsidies via SOBIS deur skole ingedien word.
3. Dit is belangrik om te onthou dat:

  • alle graad R-leerders op SOBIS vasgele moet wees;
  • alle graad R-leerders aan 'n graad R-klas gekoppel moet wees; en
  • 'n graad R-opvoeder aan 'n Graad R-klas gekoppel moet wees.

Slegs nadat bogenoemde gedoen is, kan 'n graad R-subsidie vir betaling ingedien word.
4. Subsidie-eise

Graad R-eisaansoeke vir die boekjaar wat strek vanaf 01 April 2017 tot 31 Maart 2018 sal op SOBIS beskikbaar wees. Toegang kan daartoe verkry word deur die volgende te doen:
Teken aan op die SOBIS.
Klik "Proceed".
Beweeg die pyltjie oor die "Administration"-keuse-item en klik op "Gr R Subsidy".
Kies "Submit Application".

Voltooi asseblief alle toepaslike velde soos vereis en druk die skool se subsidie-eis vir rekorddoeleindes nadat die eis ingedien is. Die skool se subsidie-eis sal elektronies by die toepaslike distrikskantoor ingedien word. Die skool hoef niks verder te doen nie.

Verwys asseblief verder na die Grade R Subsidy Claim Application System User Manual vir stapsgewyse leiding oor hoe om 'n subsidie-eis suksesvol in te dien.
5. Tydsraamwerke

Datums vir die 2017 proses:

April-gedeelte
Datum Aksie
01 Maart 2017 SOBIS word vir die vaslegging van eise beskikbaar gestel.
15 Maart 2017 Finale datum vir skole om eise in te dien.

Neem asseblief kennis: Geen eise kan ná hierdie datum ingedien word nie.
15 April 2017 Distrikskantore finaliseer aanbevelings- en goedkeuringsproses op EduInfoSearch en teken elke eis af.
15 Mei 2017 Finale datum vir subsidiebetalings aan skole/sentrums.

Oktober-gedeelte
Datum Aksie
01 September 2017 SOBIS word vir die vaslegging van eise beskikbaar gestel.
15 September 2017 Finale datum vir skole om eise in te dien.

Neem kennis: Geen eise kan ná hierdie datum ingedien word nie.
15 Oktober 2017 Distrikskantore finaliseer aanbevelings- en goedkeuringsprosesse op EduInfoSearch en teken elke eis af.
15 November 2017 Finale datum vir subsidiebetalings aan skole/sentrums.

6. Vordering van eis

Die vordering van die skool se eis kan op SOBIS nagespoor word. Toegang kan daartoe verkry word deur die volgende te doen:

Teken aan op SOBIS.
Klik "Proceed".
Beweeg die pyltjie oor die "Administration"-keuse-item en klik op "Gr R Subsidy".
Kies "Claim status".
7. Kontak asseblief die toepaslike SOBIS-distriksadministrateur rakende SOBIS-verwante navrae en die toepaslike VKO-distriksbestuurder rakende graad R-subsidieverwante navrae.


GETEKEN: LJ ELY
ADJUNK-DIREKTEUR-GENERAAL: FINANSIES
DATUM: 2017:02:17

"Grade R Subsidy Claim Application System - User manual"  (grootte: 373 KB)