1. Belastingsertifikate vir die vorige belastingjaar (Maart tot Februarie) word jaarliks in Junie gedruk en dan na die onderskeie betaalpunte vir uitreiking aan die toepaslike werknemers versprei.
2. Die betaalmeesters by die onderskeie betaalpunte moet die belastingsertifikate aan die toepaslike werknemers oorhandig. Werknemers moet die meegaande kontroleblad by ontvangs van die belastingsertifikaat teken.
3. Sertifikate van werknemers wat nie meer in diens by dieselfde betaalpunt is nie, moet na die nuwe betaalpunt of hul huisadres gestuur word. Andersins moet dit saam met die kontroleblad na Hoofkantoor teruggestuur word (adres hieronder). In al sodanige gevalle, moet die betaalmeester die status van hierdie belastingsertifikate op die kontroleblad aandui.
4. Vir oudit- en optekendoeleindes moet die kontroleblad so spoedig moontlik, saam met die belastingsertifikate wat nie uitgereik is nie, na die volgende adres teruggestuur word:

  Wes-Kaap Onderwysdepartement (WKOD)
Grand Central-gebou
DFR: Belastingafdeling Salarisondersteuning – 7de Vloer
Privaatsak X9114
Kaapstad
8000
5. Werknemers moet in kennis gestel word om belastingsertifikate veilig te bewaar.
6. In die geval waar 'n belastingsertifikaat verlore raak en 'n duplikaat verlang word, moet 'n skriftelike versoek vir 'n duplikaatsertifikaat na die adres hierbo gestuur word.
7. 'n Fooi sal per duplikaatbelastingsertifikaat wat uitgereik word, gevra word. Die WKOD Inbelsentrum kan gekontak word om die huidige fooi te bevestig. Volgens die WKOD se tariefregister is die tarief per duplikaatbelastingsertifikaat R70,00 ten tyde van die uitreiking van hierdie minuut.
8. Werknemers moet hul belastingnommer op hul sertifikaat en salarisstrokie verifieer en, in geval van 'n verkeerde belastingnommer, moet die korrekte belastingnommer saam met bewys daarvan (bv. 'n afskrif van 'n belastingopgawe of 'n brief van die Suid-Afrikaanse Inkomstediens (SAID)) na die kantoor hierbo gestuur word sodat dit op PERSAL reggestel kan word.
9. Die sperdatums vir indiening van die verskillende tipes belastingopgawes word deur SARS beheer en aangekondig. Dit is in elke individuele werknemer se belang om by hierdie spertye te hou. Andersins sal SAID- strafbedrae en/of boetes opgelê word.
10. Die inhoud van hierdie minuut moet onder die aandag van alle werknemers gebring word.
11. U samewerking word hoog op prys gestel.


GETEKEN: LJ ELY
ADJUNK-DIREKTEUR-GENERAAL: FINANSIES
DATUM: 2017:05:18