1. |
Le ngcaciso imfutshane yazisa zonke iinqununu ukuba iOfisi kaNondyebo kaZwelonke (National Treasury) seyingene kwikhontrakhi entsha enguzwelonke (transversal contract) ukunika iinkonzo zekhuriya onke amaphondo. |
2. |
Umboneleli-nkonzo ngekhuriya omtsha ojongene neenkonzo zekhuriya eNtshona Koloni, ngokukodwa ukuthumela ngekhuriya izinto zokubhala uviwo, nguCourierIT SA (Pty) Ltd. |
3. |
Ikhontrakhi neSkynet SA (Pty) Ltd iphele nge-31 Januwari 2017. Kucelwa iinqununu ngoko ke ziqinisekise ukuba akukho zinto zinxulumene neemviwo zithunyelwa eWCED ngeSkynet emva kwe-31 Januwari 2017, njengoko izikolo ziya kunyanzeleka ukuba zihlawule iindleko zoko. ICourierIT, njengekhampani yekhuriya entsha, iya kusingatha uxanduva lokuzisa amaphepha emibuzo oviwo nokuza kuthatha iincwadi zeempendulo zoviwo ukususela nge-01 Februwari 2017. |
4. |
Abaqhubi beCourierIT nabancedisi babo baya kuqapheleka ngokuthe gca ngeepemithi kwanamakhadi okuzazisa. Ipemithi nekhadi lokuzazisa maliboniswe inqununu xa kuziswa amaphepha emibuzo naxa kuzokuthathwa iincwadi zeempendulo zoviwo. |
5. |
Ngayo nayiphi eminye imibuzo kucelwa ungathandabuzi ukuqhagamshelana nala magosa eWCED alandelayo:
- Nks Shelva Willoughby kwifoni 021 467 2923
- Mnu Clive Berry kwifoni 021 467 2265
- Mnu Errol van Breda kwifoni 021 467 2987.
|
ISAYINWE: NGU-PAD BEETS
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2017:02:07
|
![](images/shim.gif) |