1. |
ISebe leMfundo leNtshona Koloni (iSebe iWCED) lenza isixhobo sovavanyo i-Diagnostic Assessment Tool seBakala 8 nesaqaliswa ukusetyenziswa ezikolweni ngo-2016 kuLwimi, kwiMathematika nakwi-Natural Sciences. |
2. |
Iziphumo zolu vavanyo aziyi kuvala sikhewu kwiqela elithile labafundi abaphumelela iMathematika ne-Natural Sciences kwiBakala 9, koko kuya kubakho ukwanda kwenani labafundi abafunda ezi zifundo kwiCandelo le-Further Education and Training (FET) Band. |
3. |
Ngenxa yoku, zonke izikolo eziphakamileyo zakuqeqeshelwa ukusisebenzisa esi sixhobo siyi-Diagnostic Assessment Tool (i-Version 5.1) ngabacebisi bezifundo ngo-2015 yaye zafumana ne-CD ene-Diagnostic Assessment Tool, amaxwebhu ii-recording sheets kwakunye nevidiyo yemiyalelo yokusetyenziswa kwesixhobo (instructional video). |
4. |
Le ngcaciso imfutshane yenzelwe ukuyalela izikolo ukuba zenze amalungiselelo ovavanyo lolwazi lomfundi (diagnostic assessment) kubafundi beBakala 8 ngo-2018. Imihla ecetyiswayo yile-24, 25 no-we-26 Januwari 2018. |
5. |
Inkqubo yokuqalisa oku ecetywayo yile ilandelayo:
- Bonke abafundi beBakala 8 babhala iimvavanyo ezintathu zeyure enye ukususela ngomhla wama- 24 – 26 ngoJanuwari 2018.
- Ootitshala bagqiba ukumakisha iimvavanyo ungadlulanga umhla wama-30 Januwari 2018.
- Izikolo zifaka iziphumo kwikhompyutha (capture results electronically) kwi-excel spreadsheets (i-version entsha) ingadlulanga iveki yesibini kaFebruwari 2018.
- Izikolo zithumela nge-imeyili ii-summary spreadsheets nezicwangciso zongenelelo ngoncedo kwii-ofisi zezithili ngomhla wama-23 kuFebruwari 2018 ukwenzela ukuhlalutywa kweziphumo zizithili.
- Ii-ofisi zezithili ziqulunqa zize zihlalutye idatha nezicwangciso zongenelelo ngoncedo zize zizigqithisele kwaNdlunkulu ungadlulanga umhla we-09 Matshi 2018.
|
6. |
Iimbono ezongezelelweyo zokunika inkxaso abafundi kuLwimi, kwiMathematika nakwi-Natural Sciences: Izikolo zinokusebenzisa ezinye iindlela zongenelelo ngoncedo ukunika inkxaso abafundi beBakala 8 abangaqhubi kakuhle ezifana nokuba zibe ngamahlakani namashishini engingqi ukunika inkxaso isikolo ngezi ndlela zilandelayo:
- Ukufundiswa kwezi zifundo kusetyenziswa abanye ootitshala abancendisayo (tutors), abafundi kunye/okanye ootitshala abadla umhlala-phantsi ukulungiselela iiklasi zangeMigqibelo, zasemva kwemini neezeholide (o.k.t. isikolo sasebusika nesentwasahlobo).
- Ukuqhuba iiklasi ezongezelelweyo ezingaphezulu ezihlawulelwa ngabazali.
- Ukuhlanganisa iinzame ezenziwa zizikolo nokwabelana kwazo ngezibonelelo.
- Ukwahlula abafundi babe ngamaqela ngesifundo ngasinye ngokwezakhono zeqela ngalinye.
- Ukusebenzisa indlela "ekukubakhupha" ("pull-out" method) abafundi, oko kukuthi ukubakhupha kwiklasi enabafundi abanezakhono ezixubeneyo (mixed ability class) ukubasa kwiklasi yephiriyodi yesifundo esithile apho utitshala aya kubafundisa ngokweemfuno nezakhono zabo, ukuze emva koko babuyele kwiklasi yabo ababhaliswe kuyo.
|
7. |
ISebe leMfundo leNtshona Koloni (iSebe iWCED) likwiphulo lokubhalisa ezi mvavanyo ngezixhobo zeekhompyutha (digitise). Inkqubo yolu hlobo lokubhala ezi mvavanyo iya kuthunyelwa ngexesha elifanelekileyo. |
8. |
Ziyacelwa iinqununu ziqinisekise ukuba oku kule ngcaciso imfutshane kuya kugqithiselwa kubo bonke ootitshala nakumalungu esikolo afanele ukuyifumana. |
ISAYINWE: NGU-PAD BEETS
USEKELA MLAWULI-JIKELELE OBAMBELEYO WEKHARITYHULAM NOLAWULO LOVAVANYO
UMHLA: 2018:01:09
|
![](images/shim.gif) |