| ISALANTHISO: | 20171205-7620
12/3/14 |
 | | IMIBUZO: | R Leukes | IFONI: | 021 467 2962 | IFEKSI: | 021 467 9369 |
INGCACISO EMFUTSHANE YECANDELO LEKHARITYHULAM YEGET: DCG 0019/2017 |
IYA: | KUMASEKELA BALAWULI-JIKELELE, KUBALAWULI ABAZIINTLOKO, KUBALAWULI, KWIINTLOKO ZOKUNIKA INKXASO KWIKHARITYHULAM, KUBAPHATHI BEESEKETHE, KUMASEKELA EENGCALI ZEMFUNDO EZIZIINTLOKO, KUBACEBISI BEZIFUNDO, NAKUZO ZONKE IINQUNUNU ZEZIKOLO ZIKARHULUMENTE EZIQHELEKILEYO, EZEZIKOLO ZEMFUNDO ENEEMFUNO EZIZODWA NEZEZIKOLO EZIZIMELEYO EZINEBAKALA R |
| ELONA NANI LIPHEZULU LABAFUNDI KWIKLASI YEBAKALA R NGANYE |
| 1. |
ISebe leMfundo leNtshona Koloni (WCED) lizibophelele ekuqinisekiseni ukuba kufikelela wonke umntwana kwiBakala R. |
| 2. |
ISetyhula 0037/2017 yanika izikolo ingcaciso emalunga nokufumana ileta yesabelo-mali seMimiselo neMigangatho kwiCEMIS, engenkxaso-mali yeBakala R ngomfundi ngamnye ngo-2018, engenkqubo yokwenza amabango nemihla yokungeniswa kwanokusetyenziswa kwenkxaso-mali yeBakala R. |
| 3. |
Injongo yale ngcaciso imfutshane kukukhumbuza zonke izikolo ngeSetyhula 0010/2014 yeBakala R yomhla we-25 Matshi 2014 (eqhotyoshelweyo B), nekucaciswe oku kuyo kumhlathi 8: "Isayizi yeklasi enabafundi abangaphezu ko-30 inefuthe elibi elithi lichaphazele umgangatho wemfundo kwiklasi yeBakala R. Ziyakhunjuzwa izikolo ukuba elona nani liphezulu labafundi beBakala R livumelekileyo ngeklasi nganye ngu-30. Umlinganiselo wenani kaTitshala noMfundi = 1:30." |
| 4. |
Izikolo ezibhalisa ngaphezu kwabafundi abayi-30 ngeklasi yeBakala R nganye, ziya kuba zophula uMgaqo 9(2)(a) we-Migaqo Regulations Relating to Minimum Uniform Norms and Standards for Public School Infrastructure, eyapapashwa kwiGazethi kaRhulumente No. 37081 ye-29 Novemba 2013 |
| 5. |
Okuqulethwe yile ngcaciso imfutshane makwaziswe bonke abachaphazelekayo kwimfundo yeBakala R kwisikolo sikarhulumente esiqhelekileyo, kwizikolo zemfundo eneemfuno ezizodwa nakwizikolo ezizimeleyo zeMfundo noPhuhliso lwaBantwana aBasaqalayo. |
ISAYINWE: NGU-PAD BEETS
USEKELA MLAWULI-JIKELELE WEKHARITYHULAM NOLAWULO LOVAVANYO
UMHLA: 2017:12:15
Grand Central Towers, Lower Parliament Street, Private Bag X9114, Cape Town 8000
Nceda ubhale iinombolo zesalathiso kuyo yonke imbalelwano
Employment and salary queries: 0861 92 33 22
Safe Schools: 0800 45 46 47
|
 |
