| 1. |
I-Letterkundeondersteuningkomitee (LOK) imema bonke ootitshala besi-Afrikansi bamaBakala 10, 11 no-12 ukuba beze kwiSimpoziyam ka-2017 eya kubanjwa ngoLwesihlanu we-17 Februwari 2017 ukususela ngo-15:00 ukuya ku-19:00 nangoMgqibelo we-18 Februwari 2017 ukususela ngo-08 :00 ukuya ku-14 :30 eStellenbosch University eStellenbosch. |
| 2. |
Le simpoziyam iza kubanjwa kulo nyaka iya kuba yisimpoziyam yeLOK yamashumi amabini. Eyona njongo iphambili yale simpoziyam kukunika inkxaso ukufundiswa koncwadi kodwa kuya kugxininiswa nakwezinye iinkalo zezifundo ezifana nokubhala negrama. |
| 3. |
Iprogram yesimpoziyam iya kufumaneka kwiziko lewebhu leSebe leMfundo leNtshona Koloni (WCED) phantsi ko-Curriculum Development, http://www.wcedcurriculum.westerncape.gov.za nge-23 Januwari 2017. Klikha ku-"FET: Further Education and Training"; ukhethe u-"Languages" kwi-drop-down menu; emva koko ukhethe u-"Afrikaans"; uze uklikhe ku-"Downloads"; ukhethe u- "Onderwysbronne". |
| 4. |
Intlawulo yokubhalisela iSimpoziyam ka-2017 yi-R150,00 kootitshala ukuze ibe yi-R100,00 kubafundi abasisigxina. Abantu abanomdla bangayidipozitha le mali kwi-akhawunti yetshekhi ye-LOK eyi-Nedbank cheque account, kule nombolo ye-akhawunti: 1089131240. Iitshekhi mazenziwe zibe zezihlawulwa kwi-LOK. Kucelwa usebenzise esi shunqulelo "LOK" negama lesikolo esichaphazelekayo njengesalathiso (reference) xa uhlawula intlawulo yokubhalisa yakho. Abacebisi bezifundo besi-Afrikansi ne-Department of Afrikaans and Nederlands e-University of Western Cape, baya kuthwala uxanduva lwamalungiselelo olawulo nokuya kuqhubeka kule Simpoziyam. |
| 5. |
Abathathi-nxaxheba banokubhalisa kwikhompyutha (online) ngokulandela le linki ilandelayo: https://goo.gl/forms/DAairsqHFqgoahHA2 baze bazalise ifom eyi-Google form, okanye banokuzalisa esi siHlomelo A siqhotyoshelweyo baze basithumele ngefeksi. Amaxwebhu abubungqina bentlawulo mawathunyelwe ngefeksi nawo ku-Nks Janine Pekeur we-University of Western Cape kule nombolo yefeksi 021 959 1249 ungadlulanga owe-03 Februwari 2017. Kunokuqhagamshelwana noNks Pekeur kule nombolo yefoni 021 959 2112 okanye nge-imeyili apha lokfeb2015@gmail.com. Niyakhunjuzwa kwakhona ukuba nisebenzise esi shunqulelo "LOK" negama lesikolo esichaphazelekayo njengesalathiso. |
| 6. |
Ootitshala abahamba umgama we-50km okanye ngaphezulu (uhambo lokuya okanye olokubuya kuphela) kwisimpoziyam baya kubuyiselwa ngeehambo zabo ngokweentlawulo neenkqubo zeSebe iWCED. (Makufundwe iziHlomelo B - D malunga neefom zokwenza amabango. Bonke ootitshala abafuna ukufaka amabango eendleko zohambo bayacelwa ukuba bazalise ifom yeBAS (isiHlomelo D) ebhankini. Banokwenza ibango lesithuthi esinye ngesikolo ngasinye kuphela ngohambo. |
| 7. |
Ukunceda abaququzeleli beSimpoziyam ye-LOK, bayacelwa ootitshala ukuba babambelele kule mihla yobhaliso ibekiweyo. Akuyi kwamkelwa zicelo zifike emva kwexesha. |
| 8. |
Kucelwa wazise ngokuqulethwe kule ngcaciso imfutshane bonke abachaphazelekayo ukuze bakuthathele ingqalelo. |
ISAYINWE: NGU-PAD BEETS
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2017:01:19
|
 |