| 1. |
ISebe leMfundo esiSiseko (ISebe iDBE) lakhupha ngowe-29 Agasti 2017 i-National Assessment Circular 1 ka-2017, echaza ukuba kuvunyiwe ukunyuselwa kwabafundi kwiimeko ezizodwa ukulungiselela abafundi abanokuchaphazeleka ngokungalunganga yimfuno emiselweyo enyanzelekileyo yokuphumelela kwiMathematika ngenqanaba 3 (40%), ukupasa ukuya kwibakala elilandelayo. |
| 2. |
Kwimeko yaxa umfundi ezifezekisile zonke iimfuno ezimiselweyo zokupasa kwibakala ukuya kwelinye elilandelayo (o.k.t. iBakala 7, 8 no-9), ngaphandle kokuba akaphumelelanga ngenqanaba 3 (40%) kwiMathematika ukuze ngoko ke kufuneke ukuba agcinwe kwelo bakala, loo mfundi ulolu hlobo makanyuselwe kwiMathematika. |
| 3. |
Ihlala isebenza inkqubo yokutshintshwa kwamanqaku apha naphaya njengoko kumiselwe kwiNgcaciso eMfutshane yoLawulo loVavanyo 0020/2015. Oku kuthetha ukuba makwenziwe kuqala ukutshintshwa kwamanqaku apha naphaya njengoko kuchaziwe kwiNgcaciso eMfutshane yeCandelo loVavanyo 0020/2015 (yi-5% kwizifundo ezithathu ukulungiselela u-2017) yaye ukuqaliswa ukusetyenziswa le nkqubo yokunyuselwa komfundi kwiimeko ezizodwa, kuya kuba semva koku, kuphela. |
| 4. |
Kucetyiswa ukuba izikolo ezisebenzisa iiprogram zeSebe leMfundo leNtshona Koloni zokurekhoda nokwenza iiripoti (WCED recording and reporting programmes) kumaBakala 7, 8 no-9, mazilandele le nkqubo ichazwe apha ngezantsi: |
| 4.1 |
Ziya kucelwa izikolo zikhuphele (download) iiprogram ezintsha zamaBakala 7, 8, no-9 kwi-CEMIS (2017 Version 3) kwikota 4 ka-2017 zize zizivule (import) iifayili zazo ezikhoyo ukulungiselela ukuzenza iinguqulelo (versions) ezintsha. |
| 4.2 |
Inkqubo ecacisa amanyathelo alandelelanayo (step-by-step procedure) iya kubonelelwa kwi-CEMIS zakuba zifakiwe (uploaded) iiprogram ze-Version 3. Kucingelwa ukuba iiprogram ze-Version 3 ziya kufumaneka ungadlulanga owe-30 Oktobha 2017. Inkqubo yokutshintsha amanqaku neyokunyuselwa kwabafundi iya kuzenzekela ngokupheleleyo (completely automated). |
| 4.3 |
Ziya kuboniswa ngokuzenzekelayo (automatically) ezi nguqu kwishedyuli, kwikhasi lokungqinisisa (verification page) nakwikhadi i-report card. |
| 5. |
Izikolo ezisebenzisa iiprogram zazo zokurekhoda nokwenza iiripoti nezinabafundi abaya kuchaphazeleka kule nkqubo yonyuselo yeemeko ezizodwa, maziyenze le nkqubo njengoko ichaziwe kule Setyhula - DBE National Assessment Circular 1 ka-2017 eqhotyoshelweyo (IsiHlomelo A) ekupheleni konyaka. |
| 6. |
Ishedyuli ehlaziyiweyo, ilisti yabafundi abanamanqaku atshintshwe apha naphaya nekhasi lokungqinisisa (verification page) maziprintwe zize zingeniswe kumphathi wesekethe ukulungiselela ukungqinisiswa kwazo ekupheleni konyaka. |
| 7. |
Apho kuyimfuneko, imo yokugqibela yokupasa komfundi ukuya kwelinye ibakala (final promotion status of learners) kwi-CEMIS, mayifakwe ngolu hlobo "Promoted with Mathematics condonation". |
| 8. |
Kucelwa niqaphele ukuba le nkqubo yokunyuselwa isebenza kuphela ngo-2017 kumaBakala 7, 8 no-9. |
| 9. |
Kwimeko yabafundi beBakala 9, makuqatshelwe ukuba abafundi abangawafumaniyo amanqaku angu-30% kwiMathematika (emva kokuvunywa kokunyuselwa kwabo), abayi kuvunyelwa bayenze iMathematika kwiBakala 10. Abafundi abalolu hlobo banokubhalisela i-Mathematical Literacy. Esi sigqibo siya kuzichaphazela ngokunjalo iindibanisela zezifundo (i-Physical Sciences ne-Accounting ezifuna i-Mathematika). |
| 10. |
Le nkqubo ingentla yokunyuselwa kwabafundi kwiimeko ezizodwa ayizitshintshi nangayiphi na indlela, iimfuno ezimiselweyo zeeprogram zezifundo okanye iimfuno ezimiselweyo zeeprogram zezifundo kwiSigaba saBadala. |
| 11. |
Ziyacelwa iinqununu ukuba zazise okuqulethwe kule ngcaciso imfutshane bonke ootitshala bamaBakala 7, 8 no-9 ukuze bakuthathele ingqalelo. |
ISAYINWE: NGU-PAD BEETS
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2017:09:12
|
 |