| ISALANTHISO: | 20170605-1651
13/11/2 |
 | | IMIBUZO: | M Combrink | IFONI: | 021 467 2626 | IFEKSI: | 021 467 9370 |
INGCACISO EMFUTSHANE YECANDELO LOLAWULO LOVAVANYO: 0013/2017 |
IYA: | KUMASEKELA BALAWULI-JIKELELE, KUBALAWULI ABAZIINTLOKO, KUBALAWULI (KWANDLUNKULU NAKWII-OFISI ZEZITHILI); KUMASEKELA BALAWULI; KWIINGCALI ZEMFUNDO EZIZIINTLOKO, KUBAPHATHI BOKUNIKA INKXASO KWIKHARITYHULAM; KUBACEBISI NGEZIFUNDO; KUBAPHATHI BEESEKETHE, KWIINTLOKO ZEZOLAWULO NOKUPHATHA, KUMASEKELA EENGCALI ZEMFUNDO EZIZIINTLOKO; NAKWIINTLOKO ZAMAZIKO ALUNGISELELA ABAVIWA IIMVIWO ZESATIFIKETHI SEMATRIKI SIKAZWELONKE |
| IINDLELA ZOKUNCIPHISA IZITENXO KWIIMVAVANYO NGETHUBA LEEMVIWO ZIKAZWELONKE |
| 1. |
ISebe leMfundo leNtshona Koloni (iWCED) libulela zonke iinqununu nabagadi babaviwa ngendlela egqwesileyo abaziqhube ngayo nje ngokubanzi iimviwo zeSatifikethi seMatriki (Senior zeCertificate), eze-Adult Education and Training (AET) Level 4 nezeSatifikethi seMatriki sikaZwelonke (National Senior Certificate (NSC)) zango-2016. |
| 2. |
Kwaye kwakhoo, nakuba kunjalo, izitenxo ezingephi ezinxulunyaniswa nolawulo kwanokusingathwa kweemviwo kwiindawo zokubhalela iimviwo apho iziphumo zeemviwo zabaviwa ziye zathathwa njengezililize nezingasebenziyo. |
| 3. |
Ezona zitenxo bezixhaphakile zezi: |
| 3.1 |
abaviwa abafunyenwe beneselula kubo ngethuba lokubhala uviwo; |
| 3.2 |
abaviwa abaphuma kwindawo yokubhalela uviwo nencwadi yabo yeempendulo okanye isihlomelo; |
| 3.3 |
abaviwa abangena kwindawo yokubhalela uviwo nezinto ezingagunyaziswanga (zikwisilivu seplastiki ngokuqhelekileyo); okanye isixhobo sekhompyutha; kunye |
| 3.4 |
nabaviwa abafunyenwe bekopa ngethuba lokubhalwa koviwo. |
| 4. |
Kubaluleke kakhulu ukuba inqununu/umphathi weziko lokubhalela iimviwo athethe nabaviwa bakhe apha ekuhambeni konyaka ngemimiselo ephathelele ekubhalweni kweemviwo zangaphandle, ngokwenjenjalo baya kugxininisa kwiziphumo zokuzibandakanya ekuziphatheni kakubi ngethuba lokubhalwa kweemviwo. |
| 5. |
izitenxo ekwakubandakanyeka kuzo amagosa zaziquka: |
| 5.1 |
iinqununu/abaphathi bamaziko abangafumani yaye bengagcini mithwalo yamaphepha ngokuchanekileyo nangononophelo oluyimfuneko; |
| 5.2 |
iinqununu/abaphathi bamaziko abangalandeli nkqubo ichanekileyo xa besusa amaphepha eemviwo kwigumbi elinqatyisiweyo, nokwaye kwakhokelela ekuvulweni kwebhokisi yeseshoni yephepha loviwo elingachanekanga; |
| 5.3 |
ukukhutshelwa kwabaviwa iphepha lemibuzo elingachanekanga; |
| 5.4 |
iinkqubo ezingokugcinwa ngokunqatyisiweyo kwesitshixo segumbi elinqatyisiweyo zinyashiwe. |
| 6. |
Isikhokelo sokunqanda izitenxo nezohlwayo ezinokuwiswa ngezitenxo ezikhankanywe kule ngcaciso imfutshane sinikiwe kwisiHlomelo A. |
| 7. |
Iinqununu nabaphathi bamaziko abalungiselela abaviwa ukubhalwa koviwo lweNSC bayacelwa baqwalasele isikhokelo esikwisiHlomelo A kunye nokwazisa bonke abafundi beBakala 12 ngokukule ngcaciso imfutshane ukuze bakuthathele ingqalelo. |
ISAYINWE: NGU-PAD BEETS
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2017:08:24
Grand Central Towers, Lower Parliament Street, Private Bag X9114, Cape Town 8000
Nceda ubhale iinombolo zesalathiso kuyo yonke imbalelwano
Employment and salary queries: 0861 92 33 22
Safe Schools: 0800 45 46 47
|
 |
