1. |
IMimise-LO i-Regulations Pertaining to the Conduct, Administration and Management of the National Senior Certificate examination eyapapashwa kwiGazethi No. 37651 yange-16 Meyi 2014, icacisa imigaqo yamanqaku okupasa okugqibela kwiSifundo se-LO ngokusekelwe kuvavanyo lwangaphakathi, nemasimodareyithwe ngaphandle, kwakunye noMsebenzi woVavanyo okuMgangatho oFanayo (Common Assessment Task) (CAT) nosetwa yaye umodareyithwe ngaphandle. |
2. |
Injongo yale ngcaciso imfutshane kukwazisa izikolo ngenkqubo emayilandelwe kulawulo lwe-CAT yeSifundo se-LO ngo-2017. |
3. |
Ukubhalwa kwe-CAT yeSifundo se-LO |
3.1 |
I-CAT yeSifundo se-LO yenza inxalenye yamanqaku okupasa okugqibela kwiBakala 12 yaye ke ngoko mabayibhalwe ngabo bonke abafundi beBakala 12. |
3.2 |
Umhla wokubhalwa kwe-CAT yeSifundo se-LO ngowe-08 Septemba 2017, ukususela ngo-09:00 ukuya ku-11:00. Nakuphi na ukushenxa kulo mhla neli xesha, kuya kuthathwa njengesitenxo esixhomisa amehlo. |
3.3 |
I-CAT yeSifundo se-LO iya kuba nephepha eliziiyure ezimbini (2) elinamanqaku ayi-80. Iya kuthatha indawo yoMsebenzi 4 kwiKota 3 yaye iya kwenza i-20% yamanqaku okuphela konyaka (final mark) eSifundo se-LO. |
3.4 |
ISebe leMfundo leNtshona Koloni (ISebe iWCED) liya kuprinta amaphepha emibuzo e-CAT yeSifundo se-LO abo bonke abafundi beBakala 12 kwiphondo ngokwedatha yobhaliso yokugqibela (final registration data) echazwe kwi-Centralised Education Management Information System (CEMIS) lize liwase kuzo zonke izikolo ezifundisa iSatifikethi seMatriki sikaZwelonke (National Senior Certificate (NSC)). |
3.5 |
Zakuwafumana iinqununu amaphepha emibuzo, mazithwale uxanduva ngokupheleleyo njengabagadi babaviwa abaziintloko ukuqinisekisa ukuba iyalandelwa ngqo yonke imiqathango nemigaqo emalunga neemviwo ze-NSC. |
3.6 |
Iinqununu maziyivule imvulophu ngomhla woviwo kukho nabafundi zize zikubeke esweni ukuhanjiswa kwamaphepha emibuzo. |
3.7 |
Iinqununu maziqinisekise ukuba abagadi babaviwa bahlala bebagadile abaviwa ngeliso elibukhali lo gama bebhala i-CAT yeSifundo se-LO. |
3.8 |
Emva kokubhalwa kwe-CAT ye-LO, amaphepha eempendulo makafakwe etywiniweyo kwisingxobo (bag) ekubonelelwe ngaso aze agcinwe kwigumbi elinqatyisiweyo lesikolo kude kuqaliswe inkqubo yokumakishwa kwawo. |
4. |
Iingxoxo ngesikhokelo sokumakisha |
4.1 |
Iintlanganiso zeengxoxo ngesikhokelo sokumakisha sikazwelonke okanye esephondo, ziya kuqhubeka ukususela kwi-13 ukuya kwi-20 Septemba 2017. |
4.2 |
Isikhokelo sokumakisha sokugqibela (final marking guideline) siya kunikwa izikolo ungadlulanga owe-21 Septemba 2017, kodwa iincwadi zeempendulo zinokukhutshwa kuphela kwigumbi elinqatyisiweyo ngosuku ekuqalwa ngalo ukumakishwa kwazo. |
5. |
Ukumakishwa kwe-CAT yeSifundo se-LO |
5.1 |
Ukumakishwa kwe-CAT ye-LO kumele ukuqhutyelwa esikolweni phantsi kweliso lenqununu notitshala oneqhuzu okanye neNtloko yeSifundo ebambeleyo (HoD) njengemodareyitha yangaphakathi. |
5.2 |
Inkqubo yokumakisha imele ukuqala nge-22 Septemba 2017 yaye mayigqitywe ungadlulanga owe-29 Septemba 2017. |
5.3 |
Apho kukho ngaphezu kotitshala omnye weSifundo se-LO esikolweni, iinqununu zimele ukuqinisekisa ukuba ootitshala abazimakishi iincwadi zeempendulo zabafundi bazo. |
6. |
Ukumodareyithwa kobungqina babafundi |
6.1 |
Ubuncinane yi-10% yeencwadi zeempendulo ezimakishiweyo ezimele ukumodareyithwa ngutitshala oneqhuzu okanye yiNtloko yeSifundo (HoD). |
6.2 |
Umcebisi wesifundo se-LO makamodareyithe isampula yeencwadi zeempendulo zezikolo ezikhethiweyo. |
6.3 |
Ukumodareyithwa kwe-CAT yeSifundo se-LO kwiphondo nakuzwelonke kuya kuqhubeka ukususela ngowe-02 ukuya kowe-04 Oktobha 2017. |
7. |
Ukufakwa kwamanqaku e-CAT yeSifundo se-LO |
7.1 |
Imakhishithi ekhethekileyo (special mark sheet) iya kunikwa izikolo ukwenzela ukufakwa kwamanqaku (recording of marks) e-CAT ye-LO. Le makhishithi iya kuba yeyongezelelweyo (additional) kwimakhishithi eqhelekileyo ekhutshelwa iSifundo se-LO. |
7.2 |
Imakhishithi ye-CAT ye-LO (CAT mark sheet) mayithunyelwe kwiSebe i-WCED kunye nezinye iimakhishithi zovavanyo oluqhubekela esikolweni (school based assessment mark sheets). |
8. |
Ziyacelwa iinqununu zenze amalungiselelo ayimfuneko okubhalwa kolu vavanyo. |
9. |
Kucelwa wazise ngale ngcaciso kubo bonke ootitshala nabafundi beBakala 12 beSifundo se-LO ukuze bayithathele ingqalelo. |
ISAYINWE: NGU-PAD BEETS
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2017:07:25
|
![](images/shim.gif) |