1. |
AmaBhaso okuWonga ooTitshala kaZwelonke (National Teaching Awards) (NTA) athathela ingqalelo ukutshatshela kwezemfundo nemigangatho exhomileyo yokufundisa kwaye anika abo bakwinkonzo yezemfundo ithuba lokubhiyozela impumelelo yootitshala abamsebenzi utshatshele ngokukodwa. |
2. |
ISebe leMfundo leNtshona Koloni (WCED), ngako oko, linebhongo ngokuba liza kubamba yaye liququzelele itheko lamabhaso okuwonga ootitshala bephondo lonyaka we-17 , elandulela itheko le-NTA loNyaka we-18. |
3. |
Apha kuqhotyoshelwe iSikhokelo seNgcaciso esikwikhompyutha (electronic version of the Information Guide), esineefom zokutyumba amagama neekhrayitheriya zokufaneleka. Kucelwa niqaphele ukuba izikolo aziyi kubonelelwa ngeekopi eziprintiweyo. Ziyacelwa izikolo ziziprinte ezi fom zokutyumba ziqhotyoshelweyo ukwenzela ukuzaliswa kwazo. |
4. |
Kucelwa bonke ootitshala, amabhunga olawulo namagosa ezithili ukuba bangenise amagama abatyunjiweyo ngokusekelwe kwiikhrayitheriya ezikwiSikhokelo seNgcaciso, kwiinqununu zabo okanye kubaphathi bamaziko abo. |
5. |
Ootitshala abafanele ukuwongwa banokutyunjwa kwezi ndidi zilandelayo:
- UkuTshatshela ekuFundiseni iBakala R
- UkuTshatshela ekuFundiseni kwiZikolo eziziiPrayimari (AmaBakala 1 - 7)
- UkuTshatshela ekuFundiseni kwiZikolo eziziiSekondari (AmaBakala 8 - 12)
- UkuTshatshela kuBunkokeli kwiZikolo eziziiPrayimari
- UkuTshatshela kuBunkokeli kwiZikolo eziziiSekondari
- UkuTshatshela ekuFundiseni kwiMfundo eneeMfuno eziZodwa nakwiMfundo eBandakanya Bonke aBafundi
- UkuTshatshela kwiThekhinoloji - iBhaso lokuFunda nokuFundisa okuPhuculweyo
- UkuTshatshela ekuFundiseni iMathematika (GET)
- UkuTshatshela ekuFundiseni i-Natural Sciences (GET)
- IBhaso i-Nelson Mandela leMpumelelo kwezeMfundo ngeXesha lonke loKuphila
|
6. |
Kucelwa iinqununu nabaphathi bamaziko bathumele iifom ezinamagama abatyunjiweyo ezizaliswe ngokupheleleyo kwii-ofisi zezithili zazo ukulungiselela ukuba ziqwalaselwe ngabaququzeleli bezithili. Ukuba ufuna ingcaciso engaphezulu, kucelwa uqhagamshelane nomququzeleli wesithili ochaphazelekayo nodweliswe apha ngezantsi:
|
7. |
Kucelwa ootitshala abatyunjiweyo bazazi iikhrayitheriya nenkqubo yokugweba (adjudication) ukukhetha abafanelekileyo. |
8. |
Niyacelwa niqwalasele oku kulandelayo njengoko kucacisiwe kwiSikhokelo seNgcaciso
Ukulungiselela ukukhetha abaphumeleleyo kwinqanaba lezikolo ezisebenzisanayo, kwelephondo nakwinqanaba likazwelonke, kuya kufuneka abo batyunjiweyo benze inkcazo-ntetho (ngoPowerPoint okanye ngephowusta) ngeekhrayitheriya eziqhelekileyo nangezo zikhethekileyo, beqaqambisa umsebenzi wabo omawuthathelwe ingqalelo ukulungiselela eli bhaso linqwenelekayo. Oku kuya kuthathwa njengodliwano-ndlebe lokugqibela lokukhetha abaphumeleleyo kwizikolo ezisebenzisanayo, kwiphondo nakuzwelonke. |
9. |
Ngootitshala abahlanu abona baninzi abanokwenza ikomiti yodidi ngalunye. |
10. |
Umhla wokuvalwa kokungeniswa kwazo zonke iifom zamagama abatyunjiweyo athunyelwa kubaququzeleli bezithili ngowe-11 Agasti 2017. |
11. |
Abo baphume isibini nabo baphume phambili (winners) kwizikolo ezisebenzisanayo nakwiphondo (abaphume phambili baya kufumana umntu ngamnye iivawutsha ze-Information and Communication Technology (ICT) zamaxabiso ahlukeneyo emakuthengwe ngazo izinto kumboneleli-nkonzo ze-ICT owaziwayo (reputable ICT service provider), o.k.t.:
Inqanaba |
Ixabiso le-ICT voucher |
Abaphume phambili kwizikolo ezisebenzisanayo |
R4 000 |
Abaphume kwindawo yesibini neyesithathu (Abaphume kwindawo yesi-2 neyesi-3) |
R2 000 |
Abaphume phambili kwiphondo |
R12 000 |
Abaphume kwindawo yesibini kwiphondo |
R7 000 |
|
12. |
Izisikolo eziphumeleleyo ziya kufumana ibhaso eliyimali eyi-R 5 000 (kwizikolo ezisebenzisanayo) ne-R 7 500 (kwiphondo) isikolo ngasinye ngalowo uphume phambili, nemayisetyenziselwe ukuphucula umgangatho womsebenzi wokufundisa kootitshala abafundisayo nokuphucula indlela yokufundisa eklasini. |
13. |
Ukongeza apho, abaphumeleleyo kuwo omabini amanqanaba, elezikolo ezisebenzisanayo nelephondo kuDidi lokuTshatshela ekuFundiseni i-Natural Sciences (GET), baya kufumana ibhaso elivela kwi-CapeNature leholide yempela-veki kwiindawo zokutyelela zayo ezikwiphondo ngokubanzi. Ukufumana ingcaciso engaphezulu unokuqhagamshelana nomququzeleli wesithili ochaphazelekayo okanye neCandelo le-Cape Teaching and Leadership Institute. |
14. |
AmaBhaso okuWonga ooTitshala kaZwelonke axhaswa yiNtloko yeSebe leMfundo, yimibutho yabasebenzi, yimibutho yamabhunga olawulo nanguMphathiswa wePhondo ojongene nezeMfundo. |
15. |
Kukhuthazwa bonke abahlali abayinxalenye yesikolo (school community) ukuba bathathe inxaxheba ekutyumbeni ootitshala abafanele ukungenela amaBhaso okuWonga ooTitshala kaZwelonke. |
16. |
Kucelwa wazise okukule ngcaciso imfutshane bonke ootitshala abafundisayo ukuze bakuthathele ingqalelo. |
ISAYINWE: NGU-PAD BEETS
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2017:07:25
|
![](images/shim.gif) |