| ISALANTHISO: | 20170524-1226
12/11/5 |
 | | IMIBUZO: | PP Satyo (FET)
G van Wyk (GET) | IFONI: | 021 467 2000 | IFEKSI: | 021 467 2258 |
INGCACISO EMFUTSHANE YECANDELO LEKHARITYHULAM NOLAWULO LOVAVAVNYO: 0001/2017 |
IYA: | KUMASEKELA BALAWULI-JIKELELE, KUBALAWULI ABAZIINTLOKO, KUBALAWULI, KWIINTLOKO ZOQUQUZELELO NEENGCEBISO NGEZEKHARITYHULAM, KUBAPHATHI BEESEKETHE, KUBAPHATHI BEZENGCACISO, UKUPHATHWA NOLAWULO LWABASEBENZI NGOBUCHULE (SIGPM); KUMASEKELA EENGCALI ZEMFUNDO EZIZINTLOKO; KUBACEBISI BEZIFUNDO NAKWIINQUNUNU |
| ISETYHULA S1 YESEBE IDBE ENGESIKHOKELO SOKOMELEZA UKUPHUNYEZWA KWECAPS, 2017 |
| 1. |
Ngowe-09 Matshi 2017 iSebe leMfundo kuZwelonke (Department of Basic Education (DBE)) lakhupha iSetyhula S1 ka-2017 emalunga nesikhokelo sokomeleza iCandelo 4
leNkcazo yoMgaqo-nkqubo weKharityhulam noVavanyo (Curriculum and Assessment Policy Statement (CAPS)) kumaBakala R ukuya ku-11 yaye eli Sebe lacebisa ngokwenza iinguqu kwiimvavanyo eziqhubekela ezikolweni (ii-SBAs). |
| 2. |
ISebe leMfundo leNtshona Koloni (ISebe iWCED) alikawahambisi la maxwebhu njengoko zingekho okanye zingonelanga iinkcukacha ezinikiweyo ezingezifundo ezithile nemiba engekacaciswa echaphazela iimfuno ezimiselweyo zokudlulela kwelinye ibakala nezokupasa kwabafundi. |
| 3. |
Nakuba kunjalo, isebe lichazelwe ukuba ezinye izikolo sele zizinciphisile okanye zenza izicwangciso zokunciphisa inani lemisebenzi yovavanyo emiselweyo (formal assessment tasks) ngenxa yesi sikhokelo. |
| 4. |
Emva kokuqwalaselwa ngobulumko kwemingcipheko yale nkqubo yezemfundo nokuthathela ingqalelo iimbono ebezivezwe kuthetha-thethwano oluye lwaqhubeka kwakhona nemibutho yeemanyano zootitshala namaphondo, kwiSebe i-DBE, iSebe i-WCED, likhethe ukukuyeka ukuqalisa naziphi na iinguqu ezicetyiswayo kwiSetyhula 1 de kubekho ingcaciso efumanekayo kwiSebe i-DBE. |
| 5. |
ISebe iWCED ke ngoko liya kunika izikolo isicwangciso esiqulunqwe kakuhle senkxaso nokuqaliswa koku, kwakuba kukho ingcaciso nemvumelwano ngolu xwebhu- Guidelines to Strengthen CAPS Implementation, 2017. |
| 6. |
Kucelwa iinqununu zazise okukule ngcaciso imfutshane bonke ootitshala ukuze bakuthathele ingqalelo. |
ISAYINWE: NGU-PAD BEETS
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2017:05:25
Grand Central Towers, Lower Parliament Street, Private Bag X9114, Cape Town 8000
Nceda ubhale iinombolo zesalathiso kuyo yonke imbalelwano
Employment and salary queries: 0861 92 33 22
Safe Schools: 0800 45 46 47
|
 |
