| 1. |
Die Nasionale Natuurwetenskap-olimpiade is 'n projek wat deur die Suid-Afrikaanse Agentskap vir die Bevordering van Wetenskap en Tegnologie (SAABWT) geborg is. Die Olimpiade beoog om:
- 'n belangstelling in wetenskap onder leerders te skep en om hulle aan te moedig om wetenskap in die Verdere Onderwys en Opleiding (VOO)-fase te studeer;
- die beste Natuurwetenskap-leerders nasionaal te identifiseer;
- Natuurwetenskap-onderwysers te ondersteun en hul klaskamerpraktyk te verbeter; en
- talent onder Natuurwetenskap-leerders te identifiseer.
|
| 2. |
Die Olimpiade is 'n stimulerende aktiwiteit wat van deelnemers verwag om kritiese denke, probleemoplossingsvaardighede, innovasie en kreatiwiteit te toon. Dit word deur die Wes-Kaap Onderwysdepartement (WKOD) se strategie vir Wiskunde en Natuur- en Fisiese Wetenskap ondersteun. Daar kan indrukwekkende pryse deur die toppresteerders in die Olimpiade gewen word. |
| 3. |
Die gemiddelde provinsiale prestasie vir Graad 4 - 6 het vanaf 40,5% in 2015 tot 42% in 2016 verbeter, terwyl Graad 7 - 9 vanaf 40,5% in 2015 tot 43,3% in 2016 verbeter het. |
| 4. |
Die volgende pryse is aan Wes-Kaapse wenners in die nasionale kategorie toegeken:
| Naam van skool |
Leerder se voorletters en van |
Graad |
Toekennings |
Nasionale posisie |
% |
Prys |
| Kristenhof Primêr |
D Sumeruk (76%) |
7 |
Top graad 7-leerder |
1 |
76 |
Tablet |
| Parklands College |
RS Sparg (81%) |
8 |
Top graad 8-leerder |
2 |
81 |
Tablet |
|
| 5. |
Die Olimpiade is 'n veelkeuse-eksamen wat slegs in Engels aangebied word. Dit is in twee kategoriee verdeel, nl. Intermediere- en Senior Fase. Dit sal van 09:00 tot 12:00 op Donderdag, 11 Mei 2017 geskryf word. Die sluitingsdatum vir registrasie is Dinsdag, 28 Februarie 2017. |
| 6. |
Die WKOD nooi weereens alle skole uit om deel te neem aan die 2017 Olimpiade. Skole word versoek om die aangehegte registrasievorms (Bylae A en B) te voltooi en te onderteken en aan die naaste distrikskantoor of wetenskapsentrum wat in Bylae C gelys is, terug te stuur. Verseker asseblief dat 'n afskrif van die registrasiefooi se kwitansie aan die registrasievorm vasgekram is. Alle voltooide registrasievorms moet die verskeie distrikskantore en/of wetenskapsentrums teen nie later nie as 14:00 op Maandag, 27 Februarie 2017 bereik. |
| 7. |
Die deelnemersfooi vir die Olimpiade is R10.00 per leerder. Die gelde moet direk in die SAABWT-bankrekening gedeponeer word. Die bankbesonderhede word op die inskrywingsvorm verskaf. Daar is geen beperking op die getal leerders wat ingeskryf mag word nie. |
| 8. |
WKOD sal die inskrywingsfooie van leerders in geen-skoolfooi skole sowel as leerders in Wiskunde-, Wetenskap- en Tegnologie- (WWT) skole borg. Al hierdie skole moet hul leerderinskrywings teen nie later nie as 15:00 op Maandag, 27 Februarie 2017 direk aan me Suanne Rampou stuur. Skole kan hul inskrywings skandeer en aan Suanne.Rampou@westerncape.gov.za e-pos of na 086 205 1450 faks. |
| 9. |
Skole word versoek om die integriteit van die Olimpiade deur sorgvuldige toesig te handhaaf. 'n Onreelmatigheid sal 'n skool outomaties van die Olimpiade diskwalifiseer. |
GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2017:01:17
|
 |