| 1. |
As deel van die viering van vrouemaand en die erkenning van leierskaprolle wat vroue in sy diens speel, het die Wes-Kaap Onderwysdepartement (WKOD) vir die eerste keer in 2015 'n konferensie vir vroulike prinsipale aangebied. |
| 2. |
Die inisiatief beklemtoon vordering ten opsigte van gelyke indiensneming in senior posisies op beide die skool- en kantoorvlakke van die onderwysstelsel en word deur die bekenstelling van 'n kursus vir "Women in and into Leadership and Management" (WILM) beklemtoon wat jaarliks by die Kaapse Onderwys- en Leierskapinstituut aangebied word. |
| 3. |
Die Departementshoof het saamgestem dat die jaarlikse konferensie moet verseker dat die WKOD addisionele geleenthede vir beide ontwikkeling en professionele ondersteuning vir vroue in leierskapposisies en veral op skoolvlak bied. |
| 4. |
'n Ondersteuningsnetwerk is 'n forum mense wat emosionele en praktiese bystand aan medelede van die netwerk bied wat 'n behoefte om sodanige hulp en ondersteuning het. 'n Ondersteuningsnetwerk bied 'n veiligheidsnet vir sy lede. Die netwerk is bedoel om die professionele isolasie van vroulike prinsipale te verminder en selfs te beeindig. |
| 5. |
Die 2015-bekendstelling, in vennootskap met Old Mutual, was 'n reuse sukses. Die konferensie is verweef met welstandsaktiwiteite wat deur Old Mutual geborg is en hierdie jaar sal geen uitsondering wees nie. |
| 6. |
Die konferensie sal uit voltallige en wegbreeksessies bestaan om sodoende dieper professionele opvoedkundige gesprekke aan te moedig en te laat plaasvind. |
| 7. |
Die besonderhede van die konferensie is soos volg:
| Datum: |
17 September 2016 |
| Plek: |
Lecture Theatre 1 in the Kramer Building, Middle Campus, University of Cape Town (UCT) |
| Tyd: |
08:00 – 16:00 |
|
| 8.1 |
Prinsipale wat van voorneme is om die konferensie by te woon, moet Deel A van die aangehegte vorm invul en dit voor of op 09 September 2016 faks aan me Zoliswa Lonja by 086 547 8758. Hierdie inligting word vroegtydig vereis om die logistieke reelings vir die geleentheid te bepaal en te bestuur. |
| 8.2 |
Prinsipale word versoek om, waar moontlik, saam te reis wanneer hulle die konferensie bywoon. Prinsipale sal vir reiskoste vergoed word waar die afstand wat afgele is 120 km in een rigting oorskry. Ten einde reiskoste te eis, moet die aangehegte "Reis en Verblyf"- en Z43-vorms by die aangewese amptenaar/e by die konferensielokaal ingedien word. Eise wat onvolledig of verkeerd bevind word, sal nie verwerk word nie. |
| 8.3 |
Waar die prinsipaal se reiskoste deur die skool befonds word, moet die eis in die naam van die skool gemaak word. Dit beteken dat die geld wat geeis word, in die skool se rekening betaal sal word. |
| 8.4 |
Verblyf sal slegs aan prinsipale wat verder as 200 km in een rigting moet reis voorsien word. Prinsipale wat verblyf benodig, moet Deel B van die aangehegte vorm invul. Hierdie inligting word vroegtydig versoek om die tydige verwerking van verblyf te verseker. Versoeke om verblyf moet op of voor 09 September 2016 ontvang word en na me Zoliswa Lonja gefaks word by 086 547 8758. Elke gedelegeerde persoon wie se versoek om verbly goedgekeur is, sal 'n e-pos as bevestiging ontvang. |
| 8.5 |
Waar die prinsipaal manlik is, kan 'n vroulike adjunkprinsipaal vir die konferensie geregistreer word.
|
| 8.6 |
Verdere navrae kan gerig word aan me Zoliswa Lonja by tel. 021 467 2070. |
| 9. |
Prinsipale word versoek om te verseker dat die inligting in hierdie minuut aan alle personeel en belangstellende partye oorgedra word. |
GETEKEN: T MATSELISO
ADJUNK-DIREKDIREK-GENERAAL: INRIGTINGSONTWIKKELING - EN KOÖRDINERING
DATUM: 2016:08:23
|
 |