1. Die Departement van Onderwys (DvO) het in 2001 Onderwys Witskrif 6 oor Spesiale Behoefte Onderwys, "Die bou van 'n Inklusiewe Onderwys- en Opleidingstelsel," gepubliseer.

2. Die tydraamwerk vir die volle implementering van Onderwys Witskrif 6 is 20 jaar. Die strategiese implementeringsplan is in die volgende fases opgedeel:

  1. Kort termyn: Hierdie fase het ingesluit aanbevelings ten opsigte van inklusiewe onderwys, 'n nasionale oudit van spesiale skole en gespesialiseerde ondersteuning, en die identifisering van 30 distrikte in die land vir praktiese toetsing, waarvan drie in die Wes-Kaap is.
  2. Medium termyn: Hierdie fase het ingesluit die omskakeling van geselekteerde spesiale skole na hulpbronsentrums, gewone/hoofstroom skole na voldiens/inklusiewe demonstrasieskole, die transformasie van die rolle van distriksgebaseerde ondersteuningspersoneel asook die vestiging van inrigtingsvlak- of skoolgebaseerde ondersteuningspanne by skole. Hierdie fase het ook die bou van kapasiteit in die Departement van Basiese Onderwys (DBO) en provinsiale departemente ingesluit om die grondslag vir die inklusiewe onderwysstelsel te le en 'n toepaslike en koste-effektiewe befondsingstrategie te ontwikkel.
  3. Lang termyn: Hierdie fase behels die bekendstelling van inklusiewe onderwys deur die aantal spesialeskoolhulpbronsentrums en voldiens-/inklusiewe skole te vermeerder, die uitbouing van kapasiteit en transformasie van die rolle van alle gespesialiseerde ondersteuningspersoneel in alle distrikte, en die insluiting van kinders met gestremdhede wat nie in skole is nie, in onderwysprogramme.
3. Institusionele reelings om 'n inklusiewe onderwysstelsel te bevorder, sluit in voldiens-/inklusiewe skole, spesialeskoolhulpbronsentrums en distrikgebaseerde ondersteuningspanne.

4. Omdat ons die bekendstellingsfase betree, het die Wes-Kaap Onderwysdepartement (WKOD) 'n Menslike Hulpbronontwikkelingsplan in werking gestel om kapasiteit vir die uitbreiding van inklusiewe onderwys te bou. Die proses begin emet die orientasie van aangewese voldiens-/inklusiewe skole, aangewese spesialeskoolhulpbronsentrums en gespesialiseerde ondersteuningspersoneel.

5. Die Hersiene Sifting, Identifisering, Assessering en Ondersteuning (SIAS)-instrument is in Desember 2014 in die staatskoerant gepubliseer. Baie kinders in Suid-Afrika is kwesbaar of ervaar een of meer hindernisse ten opsigte van leer wat volle en gelyke toegang tot onderrig strem. Die SIAS is daarop gemik om op 'n konsekwente en gestandaardiseerde manier op hierdie behoeftes te reageer deur prosedures en instrumente te bied om leerders te ondersteun.

6. 'n Transversale provinsiale opleidingspan van die WKOD is in 2015 deur die Departement van Basiese Onderwys in SIAS en kurrikulum differensiering opgelei. Die provinsiale opleidingspan sal die implementering van opleiding aan skole en relevante amptenare koordineer. Verdere inligting rakende opleiding van skole wat in 2016 tydens die Junie/Julie-vakansies begin, sal volg.

7. 'n Aanlyn inklusiewe onderwyskursus word tans ontwikkel. Verder inligting sal volg.

8. Die ontwikkeling van menslike hulpbronne vir inklusiewe onderwys sal in daaropvolgende jare voortgaan met alle gewone openbare skole wat opleiding ontvang en ontwikkel word in voldiens-/inklusiewe skole wat in staat sal wees om leerders met ligte tot matige spesiale onderwysbehoeftes te ondersteun.

9. Inklusiewe onderwysuitreikspanne, by spesialeskoolhulpbronsentrums en distrikgebaseerde ondersteuningspanne sal bykomende ondersteuning aan skole bied.

10. Leerders wat intensiewe ondersteuning benodig, sal steeds by versterkte spesiale skole ondersteun word.

11. Spesiale skole sal werksessies in hul kundigheidsveld aanbied en voldiens-/inklusiewe skole sal goeie praktyk-werksessies aanbied. Hierdie werksessies sal op die Inklusiewe en Gespesialiseerde Onderwysondersteuningsblad op die WKOD se webtuiste, en deur middel van distrikskantore, geadverteer word.

12. Toegang tot die beleid- en riglyndokumente vir inklusiewe onderwys kan op die WKOD se webblad verkry word (Inclusive and Specialised Education Support/policy and guideline documents.html).

13. Bring asseblief die inhoud van hierdie minuut onder die aandag van alle betrokke personeel.


GETEKEN: J H LYNERS
ADJUNK-DIREKDIREK-GENERAAL: INRIGTINGSONTWIKKELING - EN KOÖRDINERING
DATUM: 2016:03:23