1. |
ISebe lezoBugcisa neNkcubeko (Department of Arts and Culture), kunye ne-Library and Information Association of South Africa (LIASA), libhengeze ukuba iVeki yeLayibrari yeSikolo yaseMzantsi Afrika (South African Library Week (SALW)) ka-2016, iya kubhiyozelwa ukususela nge-14 – 20 Matshi 2016 lisebenzisa umxholo othi, "#libraries4lifelonglearning". |
2. |
Ukufunda ubomi bakho bonke kungachazwa njengomsebenzi opheleleyo owenziwa qho ngenjongo yokuphucula ulwazi, izakhono nobuchule. Zonke ezi zinto zixhomekeke kwiindlela eziphucula ubuchule bomntu ngamnye bokukhangela nokusebenzisa ngenkuthalo nangokuzimeleyo oovimba bolwazi. |
3. |
Lo mxholo ungena gingci kwakhona kwinkqubo i-National Development Plan 2030 yaseMzantsi Afrika ezondelele ukuphelisa nya ubuhlwempu nokungalingani ungadlulanga unyaka ka-2030. Ukufikelela kule njongo, abantu abaninzi – ngokukodwa ulutsha – kufuneka bafumane izakhono eziya kubavulela amathuba kwilizwe lempangelo (job market). Iilayibrari zinendima ebalulekileyo ekufuneka ziyidlale kule nquleqhu yokuphucula iimeko zokuhlala zelizwe. "#libraries4lifelonglearning" inika isikhokelo ngomsebenzi weelayibrari ukuqinisekisa ukuba bonke ootitshala nabafundi bafumana ukufikelela ngokulinganayo kulwazi olusemgangathweni. |
4. |
ISebe leMfundo leNtshona Koloni (WCED) likhuthaza ootitshala ukuba bazisebenzise iinkonzo zelayibrari nengcaciso ezikhoyo zeWCED. Ezi nkonzo ziquka i-EDULIS Library Service (ILayibrari kaNdlunkulu e-Bellville), amaziko ezibonelelo ezithili neelayibrari eziziimobhayili kunye ne-EDULIS School Library Service)). |
5. |
Ezi zibonelelo zokuncedisa ukufunda nokufundisa (learning and teaching support material) (LTSM) zilandelayo ziyafumaneka xa zibolekwa ziinqununu, ngootitshala, nangamagosa, okanye xa zibolekwa ziliqela zizikolo (block loans):
- Iintlobo ngeentlobo zezinto zokufunda zokuxhasa ikharityhulam.
- Iincwadi ezikhuthaza iingcinga zokwenza imisebenzi yezicwangciso zezifundo (uninzi lwazo zinokufotokotshwa)).
- Iincwadi ezininzi ezisandula kupapashwa neencwadi ezifumaneka ekhompyutheni (ebooks) ezingolawulo nobunkokeli ezikolweni.
- Iincwadi ezihlupheza ingqondo zokuxhasa uphando ngemfundo nokubhalwa kwemigaqo-nkqubo.
- Izinto zokufunda ezichaphazela imiba ebaluleke gqitha yakalokunje, umz. ulwazi lokufunda nokubhala nokusombulula iingxaki zemathematika, imfundo ebandakanya bonke abafundi (inclusion), ululeko neengxaki zokuziphatha, nokubandakanya i-IT eklasini.
- Izinto zokufunda ezigxile kubafundi (eziquka iincwadi zemifanekiso neenoveli zabafundi bazo zonke izigaba zobudala) ngokukodwa eziphononongwe ziingcali ukunceda ootitshala ekukhetheni iincwadi zeelayibrari zezikolo zabo okanye ukuzisebenzisa amathuba okufunda.
- Nezixhobo zemidiya eziintlobo ngeentlobo (multimedia) ezinjengeevidiyo, ii-DVD, ii-odiyo-khasethi, ii-CD, ii-CD-ROM eziquka intlaninge yezihloko ukutyebisa nokuxhasa ukufunda nokufundisa eklasini.
|
6. |
Ezi nkonzo zelayibrari zesikolo zilandelayo ziyafumaneka kootitshala nasezikolweni:
- Isikhokelo ngokuthengwa kwezibonelelo zokufunda zelayibrari kusetyenziswa ulwabiwo-mali ngokwemimiselo nemigangatho kwaneemali zezikolo ngokwazo.
- Iinkqubo zokukhuthaza ukufunda ngokuhambela izikolo ukuya kwenza iintetho ngeencwadi.
- Iiseshoni zokunika ulwazi ootitshala besikolo njengenxenye yophuhliso kumsebenzi wabo.
- Ukunika inkxaso kuphuhliso nosetyenziso lweelayibrari zezikolo.
- Ukuququzelela nokunika inkxaso yoqeqesho olusisiseko kulawulo lwelayibrari yesikolo kootitshala abalawula iilayibrari zezikolo.
|
7. |
Kungaqhagamshelwana nala magosa esithili alandelayo ngeenkonzo zelayibrari zesikolo:
Faith Lawrence |
West Coast Education District |
ifoni 021 860 1562 |
Janine Ontong |
Cape Winelands Education District |
ifoni 023 348 4657 |
Timothy Cloete |
Overberg Education District |
ifoni 028 214 7387 |
Jennifer Caroto |
Metro North Education District |
ifoni 021 938 3197 |
Carol van der Heever |
Brian O’Connell Resource Centre |
ifoni 021 370 2084 |
|
ISAYINWE: NGU-H A LEWIS
USEKELA MLAWULI-JIKELELE OBAMBELEYO WOCWANGCISO LWEMFUNDO
UMHLA: 2016:03:10
|
|