| 1. |
IziCwangciso zoPhuculo lweZikolo (School Improvement Plans) zango-2016 zimele ukugqityezelwa kwiCEMIS ungadlulanga owe-29 Januwari 2016. Kunokwenziwa utshintsho ngokuthethana noMphathi weSekethe wesikolo de kube ngowe-17 Februwari 2016, ongumhla wokugqitywa kokugqibela kwezicwangciso. Niyakhuthazwa ukuba niyitshekishe ngenyameko indlela isikolo esiqhube ngayo ngokuyithelekisa neethagethi nokuba nenze konke okusemandleni enu ukwenza ukuba lo msebenzi ube ngowuphuculayo umgangatho wesikolo. Kubalulekile ukuba ibhunga lolawulo libe yinxalenye yokusayinelwa nokubeka esweni kwesi sicwangciso. |
| 2. |
ISebe leMfundo leNtshona Koloni liya kuphinda kwakhona libeke esweni ukuphunyezwa kweziCwangciso zoPhuculo lweZikolo (SIP) ngo-2016. |
| 3. |
Kuya kubekwa esweni ezi nkalo zilandelayo kwiNkqubo yokuBeka eSweni uPhuculo lweZikolo (School Improvement Monitoring (SIM)) yesiCwangciso soPhuculo lweZikolo (School Improvement Plan (SIP)) ngo-2016:
- Amalungiselelo nokuphunyezwa kwe-SIP
- Iincwadi zokwenza umsebenzi (workbooks);
- Iincwadi zezifundo nezinto zokubhala;
- Ukufundisa nokufunda kugxininiswa kwiireyithi zokupasa zeBakala 1 no-9, isantya sokufundisa novavanyo, iikomiti ezixhasa izikolo ezisezikolweni;
- Ezolawulo (iintlanganiso nabazali; ukulawulwa kwedatha, ukwamkelwa kwabafundi ezikolweni, ukuhamba isikolo kwabafundi nootitshala, ukuzaliswa kwezithuba zengqesho; nokuphuhliswa kootitshala);
- Iidesika nezitulo;
- Iziseko zophuhliso, kugxininiswa kwiithoyilethi nakwiiklasi zokufundela; kunye
- noLawulo lwezemali.
|
| 5. |
I-SIM mayizaliswe sisikolo nangamagosa ngolu hlobo lulandelayo:
| Ithuba |
Umhla omisiweyo |
| IKota 1 |
17 Matshi 2016 |
| IKota 2 |
23 Juni 2016 |
| IKota 3 |
29 Septemba 2016 |
| IKota 4 |
15 Novemba 2016 |
|
| 6. |
Ukwenzela ukuququzelela imiba emayibekwe esweni, kuya kulandelwa le nkqubo ilandelayo: |
| 6.1 |
Kuya kubonelelwa ngemiba ebekwe esweni emakugxininiswe kuyo ukulungiselela ukusayinelwa kwayo kwi-CEMIS phantsi ko-"ADMINISTRATION".
|
| 6.2 |
Inqununu iya kuzifaka iimpendulo kwikhompyutha. |
| 6.3 |
ABaphathi beeSekethe baya kwenza idinga lokuza kuxoxa ngeempendulo yaye uxwebhu oluzalisiweyo (completed sheet) luya kusayinwa ngamaqela omabini. |
| 6.4 |
Inqununu iya kulusayinela uxwebhu kwiCEMIS. |
| 6.5 |
Ikopi enye eliphepha eliprintiweyo iya kugcinwa nguMphathi weSekethe ukulungiselela iinjongo zophicotho-zincwadi. Ikopi yesibini mayigcinwe esikolweni. |
| 6.6 |
UMphathi weSekethe uya kusayinela uxwebhu kwi-Eduinfosearch. |
| 7. |
Makuqatshelwe ukuba iya kuba yile ngcaciso imfutshane kuphela engalo mba ukulungiselela
u-2016. Ayiyi kubakho enye ekhumbuzayo njengokuba bekunjalo kwiminyaka engaphambili. Ithemplethi entsha yekota nganye iya kufakwa kwiCEMIS xa kuqala ikota yesikolo. |
| 8. |
Nayiphi na imibuzo iya kusingathwa nguMphathi weSekethe. |
| 9. |
Kuyabulelwa ukuzimisela kwenu kwimfundo esemgangathweni. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2016:01:20
|
 |