| 1. |
Die Wes-Kaap Onderwysdepartement (WKOD) let met kommer op dat die Suid-Afrikaanse Demokratiese Onderwysersunie (Sadou) op 'n boikot van die WKOD Sistemiese Toetsingsprogram aangedring het. |
| 2. |
Hierdie aandrang op 'n boikot is kommerwekkend omdat dit voorkom asof dit hoofsaaklik deur wanopvattings oor die aard en oogmerke van WKOD sistemiese toetse aangevuur word. Voorts is sistemiese toetse verpligtend omdat dit meet hoe goed die onderwysstelsel in die provinsie werk. |
| 3. |
Die sleutel- ontledingsveranderlike is die skool en nie die individuele leerder nie. Elke leerder word een keer elke drie jaar getoets. Toetse duur 'n halwe dag en dek kerngedeeltes van die kurrikulum. |
| 4. |
Toetse identifiseer sistemiese probleme wat verder strek as die groep leerders wat getoets word. Dit beteken dat die beskikbaarheid van toetsuitslae nadat die getoetste groep reeds daardie graad geslaag het, nie 'n kwessie is nie omdat hierdie toetse nie leerdergerig is nie. |
| 5. |
Ons het tyding ontvang dat party amptenare die data van die toetse onvanpas gebruik. Ons wil dit benadruk dat die prestasiedata van elke skool gebruik behoort te word om die skool te ondersteun in sy poging om te verbeter. Onvanpaste gebruik van die data skep onnodige weerstand en vyandigheid teenoor die program. Distriksamptenare is oor hierdie belangrike beginsel in kennis gestel en die Hoof van Onderwys sal die aangeleentheid met die bestuur van elke distrik opneem. |
| 6. |
Dit sal verkeerd wees vir die WKOD om die toetsprogram op hierdie stadium te laat vaar omdat dit positiewe tendense vir ons onderwysstelsel toon. Die tabelle hieronder toon die verbeterings ten opsigte van slaagsyfers oor tyd aan:
| GRAAD |
WISK 2011 |
WISK 2015 |
VERBETE-RING |
| GRAAD 3 |
47.5 |
57.6 |
10.4 |
| GRAAD 6 |
23.4 |
37.6 |
14.3 |
| GRAAD 9 |
10.4 |
22.2 |
11.8 |
|
|
| GRAAD |
TAAL 2011 |
TAAL 2015 |
VERBETE-RING |
| GRAAD 3 |
30.4 |
42.4 |
12 |
| GRAAD 6 |
31.5 |
36.8 |
5.3 |
| GRAAD 9 |
44.2 |
53 |
8.8 |
|
|
| 7. |
Die WKOD het die data van die sistemiese toetsing soos volg gebruik en gebruik dit steeds om kurrikulumlewering te verbeter:
- In 2006 het die WKOD 'n LitNum-strategie gepubliseer, wat hoofsaaklik op die ontleding van prestasietendense tussen 2002 en 2006 gebaseer is.
- Die WKOD het 'n ses jaar opleidingsprogram vir onderwysers in taal- en Wiskunde voltooi. Hierdie program het meer as 800 primere skole bereik.
- In 2015 is 'n hersiening van die LitNum-strategie as afsonderlike Wiskunde- en Taalstrategiee gepubliseer. Dit is op die prestasietendense tussen 2008 en 2014 gebaseer.
- Benewens hierdie intervensies, bied die WKOD tans 'n ondersteuningsprogram vir graad R tot 3 in 105 skole aan, asook 'n deurlopende Intervensieprogram vir Hoerskole om geteikende hoerskole te ondersteun.
- 'n Kursus oor die interpretasie van skoolverslae oor sistemiese toetse word vir alle onlangs aangestelde Departementshoofde, Adjunkprinsipale en Prinsipale aangebied om met die verbetering van beplanningstrategiee te help.
|
| 8. |
Die LitNum-toekennings verskil nie van die toekenningstelsels vir die Nasionale Senior Sertifikaat of Volwasse Onderwys en Opleiding nie. Hulle erken uitmuntende prestasie met 'n sertifikaat, maar sonder finansiele prestasiebelonings. Hierbenewens gee hulle erkenning aan die skole wat verbeter het deur 'n sertifikaat en 'n minimale finansiele prestasiebeloning vir die aankoop van leer- en onderrigondersteuningsmateriaal (tans R10 000, onderworpe aan beskikbare begroting). |
| 9. |
Hoe sterk die WKOD se Sistemiese Toetsingsprogram is, lê in die feit dat die toetse onafhanklik geadministreer word en dat geen vorm van departementele partydigheid die rapportering van uitslae affekteer nie. |
| 10. |
Alle prinsipale word versoek om stelsels in werking te stel om te verseker dat toetsing nie ontwrig word nie. Die WKOD wil ook graag herhaal dat sistemiese toetsing verpligtend is en dat skole (prinsipale en opvoeders) aan dissiplinêre stappe onderworpe sal wees as hulle nie toelaat dat die toetse geadministreer word nie of dit ontwrig of veroorsaak dat dit op enige wyse ontwrig word, byvoorbeeld deur leerders aan te moedig om weg te bly. |
| 11. |
Bring asseblief die inhoud van hierdie minuut onder die aandag van alle personeellede. |
| 12. |
Ek waardeer u begrip vir en ondersteuning van hierdie proses. |
GETEKEN: BK SCHREUDER
WAARNEMENDE HOOF: ONDERWYS
DATUM: 2016:10:08
|
 |