| 1. |
Die Wes-Kaap Onderwysdepartement (WKOD) het 'n nuwe Microsoft-skoolooreenkoms namens skole aangegaan. |
| 2. |
Gewone openbare skole en gesubsidieerde onafhanklike skole sal deur hierdie ooreenkoms van Windows-bedryfsagteware en Microsoft Office-toepassingspakkette voorsien word |
| 3. |
Ten einde die sagteware te bekom, moet skole die aangehegte bestelvorm voltooi en dit via faks of e-pos aan Edumedia stuur. Let asseblief daarop dat die skool net een kopie per pakket per jaar kan aanvra. Skole binne die metropolitaanse gebiede moet vir die afhaal van die sagtewarepakkette by die Edumedia-kantore in Mowbray reel. |
| 4. |
'n Bygewerkte bestelvorm en kommunikasie sal na skole gestuur word wanneer nuwe weergawes van die sagtewarepakkette beskikbaar gestel word. |
| 5. |
Skole kan die Skole IT-hulplyn by 021 900 7123 skakel indien hulle hulp met die installering van hierdie sagtewarepakkette verlang. |
| 6. |
Prinsipale moet die veilige bewaring van die installeringskywe en lisensiesleutels verseker. Die sagteware kan ook vir die duur van die ooreenkoms op die persoonlike rekenaars van personeel wat by WKOD werksaam is, geinstalleer word. |
| 7. |
Met die oog op die naderende voorsiening van LAN aan skole, sal gratis toegang tot Office 365 op tot 5 mobiele toestelle per persoon aan leerders en personeellede toegestaan word. |
GETEKEN: PA VINJEVOLD
HOOF: ONDERWYS
DATUM: 2016:02:18
|
 |